12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Ես չեմ ուզում տեսնել ռեժիմի փոփոխություն Իրանում․Թրամփ
Քաղաքականություն
24.06.2025 | 23:25
Դոնալդ Թրամփը Հաագայում ՆԱՏՕ-ի գագաթնաժողովին մեկնելու ճանապարհին Air Force One ինքնաթիռում լրագրողների հետ զրույցում ՝ հայտնել է, որ չի ցանկանում տեսնել ռեժիմի փոփոխություն Իրանում, քանի որ նման փոփոխությունները «քաոս են ստեղծում»։
«Ո՛չ, ես դա չեմ ուզում։ Ես կցանկանայի, որ իրավիճակը հնարավորինս արագ հանդարտվի։ Ռեժիմի փոփոխությունը հանգեցնում է քաոսի, և իդեալում լավ կլիներ խուսափել քաոսից»,- ասել է Թրամփը։
Սա առաջին դեպքը չէ, որ ամերիկյան իշխանությունները հայտարարում են, որ ԱՄՆ-ն նպատակ չունի փոխել Իրանում ռեժիմը։ Այս մասին կիրակի օրը, ԱՄՆ-ի կողմից Իրանի միջուկային օբյեկտներին հարված հասցնելուց հետո հայտարարել էր նաև ԱՄՆ պաշտպանության նախարար Փիթ Հեգսեթը։
Թրամփն էլ ավելին վաղ խոսելով Իրանում իշխանափոխության մասին հայտարարել էր, որ «եթե ներկա ռեժիմը չի կարող Իրանը կրկին մեծ դարձնել, ապա ինչո՞ւ չի կարող լինել ռեժիմի փոփոխություն»։
Թարգմանությունը՝ Էմմա Չոբանյանի
