25.06.2026 | 14:41
Կարմիր լույսի տակ չեմ կանգնելու, անվտանգային նկատառում կա. Փաշինյան․ ՏԵՍԱՆՅՈՒԹ
ՌԴ-ն հարվածել է Դնեպրին, զոհվել է 8, վիրավորվել` ավելի քան 80 մարդ
Քաղաքականություն
24.06.2025 | 18:35
Ռուսական զորքերը հունիսի 24-ի առավոտյան հարվածել են Դնեպր քաղաքին՝ վնասելով քաղաքացիական ենթակառուցվածքները։ Այս մասին հայտնել է Դնեպրոպետրովսկի մարզային ռազմական վարչակազմի ղեկավար Սերգեյ Լիսակը, փոխանցում է Current time-ը։
Նրա խոսքով՝ վնասվել են հանրակացարան, մարզադահլիճ, վարչական շենք և ուղևորատար գնացք։ Զոհվել է ութ մարդ, ևս 84-ը՝ վիրավորվել։ 62 տուժած տեղափոխվել է հիվանդանոց, նրանցից 7-ը ծանր վիճակում է։
«Ուկրզալիզնիցա» ԲԲԸ-ն պարզաբանել է, որ հրթիռը հարվածել է երկաթգծի մոտակայքում այն պահին երբ ընթանալիս է եղել Օդեսա – Զապորոժիե չվերթի գնացքը։ Վիրավորներին բժշկական օգնություն է ցուցաբերվում։ Ուղևորներին Զապորոժիե կտեղափոխեն մեկ այլ գնացքով։
Բացի այդ՝ ուկրաինական կողմը հաղորդում է, որ ռուսական բանակն այսօր «Շահեդ» տիպի անօդաչու թռչող սարքերով հարձակվել է Ուկրաինայի Ցամաքային զորքերի ուսումնական կենտրոններից մեկի վրա։ Ցամաքային զորքերի հայտարարության համաձայն՝ իրականացված կանխարգելիչ միջոցառումների և անձնակազմի բարձր մակարդակի պատրաստվածության շնորհիվ հնարավոր է եղել խուսափել բազմաթիվ կորուստներից։ Հայտնի է, որ մեկ զինծառայող վիրավորվել է և տեղափոխվել բժշկական հաստատություն։
Թարգմանությունը՝ Էմմա Չոբանյանի
