08.09.2026 | 11:53
Մեկնարկել են Մեղրի-Ծավ ճանապարհահատվածի միջին նորոգման աշխատանքները
Իսրայելը հայտնում է հրադադարի համաձայնությունից հետո Իրանից բալիստիկ հրթիռների արձակման մասին և սպառնում Թեհրանին հարվածով
Քաղաքականություն
24.06.2025 | 12:21
Իսրայելի պաշտպանության բանակը հայտարարում է, որ Իրանից բալիստիկ հրթիռների նոր արձակում է արձանագրվել։ Այս հայտարարությունը հնչում Թել Ավիվի կողմից երկկողմանի հրադադարի մասին համաձայնություն տալու հայտարարությունից կարճ ժամանակ անց։
Իսրայելի հյուսիսում օդային տագնապի ազդանշաններ են հնչում Իրանից հրթիռների հարձակման ֆոնին։ Քաղաքացիներին հրահանգվել է մնալ ռմբապաստարաններում մինչև հետագա ծանուցումը։ Հաղորդվում է, որ Իրանից Իսրայելի ուղղությամբ արձակվել է առնվազն մեկ բալիստիկ հրթիռ։ Տուժածների մասին տեղեկություններ չեն հաղորդվում։
Իսրայելի պաշտպանության բանակը քիչ առաջ հայտարարել է, որ երկրի հյուսիսի բնակիչները կարող են լքել ռոմբապաստարանները Իրանից վերջին հրթիռային հարձակումից հետո։
Պաշտպանության նախարար Իսրայել Կացըն էլ հայտարարել է, որ ինքը հրահանգել է Իսրայելի պաշտպանության բանակին «ուժեղ արձագանքել Իրանի կողմից հրադադարի խախտմանը՝ Թեհրանի սրտում ռեժիմի թիրախների դեմ ինտենսիվ հարվածներով»։
Վերջին տվյալների համաձայն՝ հրադադարի ուժի մեջ մտնելուց հետո Իրանից Իսրայելի ուղղությամբ արձակվել է երկու բալիստիկ հրթիռ։ Երկուսն էլ որսացել են։
Իրանական կողմը այս հաղորդումները դեռ չի մեկնաբանել։
Թարգմանությունը՝ Էմմա Չոբանյանի
