27.06.2026 | 19:58
Ռաիսա Մկրտչյանը նշանակալի ներդրում է ունեցել նոր սերնդի կրթության և դաստիարակության գործում․ Փաշինյան
Մոսկվայի մարզում ԱԹՍ-ների հարձակման հետևանքով երկու մարդ է վիրավորվել․ՏԵՍԱՆՅՈՒԹ
Քաղաքականություն
24.06.2025 | 12:43
Մոսկվայի մարզի Կրասնոգորսկ քաղաքում ուկրաինական անօդաչու թռչող սարքը հարվածել է բնակելի շենքի։ Այս մասին հայտնել է նահանգապետ Անդրեյ Վորոբյովը, գրում է Meduza-ն։ Հրդեհ է բռնկվել 17-րդ հարկի բնակարանում։ Փրկարարները մարել են 20 քառակուսի մետր տարածքում բռնկված հրդեհը։ Բոլոր բնակիչները ինքնուրույն են լքել բնակարանը։
Վորոբյովը նշել է, որ երկու մարդ վիրավորվել է։ 34-ամյա տղամարդը ձեռքի և ոտքի բեկորային վնասվածքներ է ստացել և տեղափոխվել է հիվանդանոց։ Հոսպիտալացվել է նաև հղի կին, որը սուր սթրեսային ռեակցիա ունի։
Նահանգապետը ավելել է, որ Վոլոկոլամսկի և Մոժայսկի քաղաքային շրջանների տարածքում ևս երկու անօդաչու թռչող սարք է խոցվել։
Մոսկվայի քաղաքապետ Սերգեյ Սոբյանինն էլ լույս հունիսի 24-ի գիշերը իր տելեգրամի ալիքում գրել էր, որ ՌԴ մայրաքաղաքի ուղղությամբ թռչող անօդաչու թռչող սարք է խոցվել։ Տասը րոպե անց նա պարզաբանել էր, որ ևս մեկ անօդաչու թռչող սարք է ոչնչացվել։
ՌԴ ՊՆ հաղորդագրության համաձայն՝ հունիսի 24-ի գիշերը Ռուսաստանի շրջաններում ոչնչացրել կամ որսացել են ընդհանուր առմամբ 20 ուկրաինական անօդաչու թռչող սարք։
Թարգմանությունը՝ Էմմա Չոբանյանի
