05.04.2026 | 14:10
Ովքեր էին ծիսական ամպհովանին պահել Գարեգին Բ-ի գլխին․ ՏԵՍԱՆՅՈւԹ
Բահրեյնը, Քուվեյթը և Կատարը բացել են իրենց օդային տարածքները
Քաղաքականություն
24.06.2025 | 01:58
Բահրեյնն ու Քուվեյթը հանել են իրենց օդային տարածքներում քաղաքացիական ավիացիայի թռիչքների սահմանափակումները: Այս մասին հայտնել են երկու երկրների ավիացիոն իշխանությունները։
Կատարը նույնպես հանել է իր օդային տարածքում թռիչքների սահմանափակումները: Այս մասին հայտնել է երկրի ավիացիոն կարգավորիչը, որի հայտարարությունը մեջբերում է Կատարի լրատվական գործակալությունը։
«Քաղաքացիական ավիացիայի գլխավոր վարչությունը հայտարարել է Կատարի օդային տարածքում երթևեկության վերսկսման մասին։ Իրավիճակը վերադարձել է բնականոն ռեժիմի՝ իրավասու մարմինների հետ համակարգմամբ անհրաժեշտ միջոցներ ձեռնարկելուց հետո», – ասված է հաղորդագրության մեջ:
Հիշեցնենք՝ Իրանը հարձակվել էր Կատարում գտնվող ամերիկյան Ալ-Ուդեյդ ավիաբազայի վրա։ Կատարի պաշտպանության նախարարությունը հայտնել էր, որ էմիրության ՀՕՊ համակարգերը հաջողությամբ որսացել են ամերիկյան ավիաբազայի ուղղությամբ արձակված հրթիռները:
