13.01.2026 | 10:16
Պետդեպարտամենտում այսօր Մարկո Ռուբիոն կընդունի Արարատ Միրզոյանին
Ադրբեջանի ցամաքային սահմանները կշարունակեն փակ մնալ․ COVID-ի կարանտինային ռեժիմը երկարաձգվել է մինչև հոկտեմբերի 1-ը
Քաղաքականություն
24.06.2025 | 16:52
Ադրբեջանի իշխանությունները կրկին երկարաձգել են երկրի տարածքում հատուկ կարանտինային ռեժիմը «կորոնավիրուսի համավարակով պայմանավորված»։ Ադրբեջանական լրատվամիջոցների հաղորդմամբ՝ ռեժիմը երկարաձգվել է մինչև 2025 թվականի հոկտեմբերի 1-ի ժամը 06:00-ն։ Համապատասխան հրամանագիրը ստորագրել է Ադրբեջանի վարչապետ Ալի Ասադովը։ Ավելի վաղ այս ժամկետը երկարաձգվել էր մինչև 2025 թվականի հուլիսի 1-ը։
Ադրբեջանի ցամաքային սահմանները փակ են արդեն 5 տարի։ Չնայած Առողջապահության համաշխարհային կազմակերպությունը հայտարարել է աշխարհում COVID-19-ի համաճարակի ավարտի մասին՝ Ադրբեջանում կարանտինային ռեժիմը պարբերաբար երկարաձգվում է։
Դեռևս նախորդ տարի սեպտեմբերի 23-ին, ելույթ ունենալով 7-րդ գումարման խորհրդարանի առաջին նիստում, Իլհամ Ալիևն ասել էր․ «Այն, որ վերջին տարիներին մեր ցամաքային սահմանները փակ են մնում, մեզ փրկել է շատ մեծ աղետներից։ Այսօր էլ, երբ սահմանները փակ են մնում, վտանգավոր գործողություններ են իրականացվում, որոնք կասեցվում են։ Ուստի, սահմանների պաշտպանությունը մեզ կպաշտպանի արտաքին ռիսկերից»։
Հավելենք, որ Իրանի ու Իսրայելի միջև ռազմական գործողությունների ֆոնին, Բաքուն բացել էր Իրանի հետ սահմանի «Աստարա» անցակետը իր քաղաքացիների ու օտարերկրացիների տարհանման համար։
Թարգմանությունը՝ Էմմա Չոբանյանի
