24.06.2026 | 20:10
Զինվորի տունը՝ նաև երեխաների համար․ վերականգնողական նոր բաժանմունք է բացվել. ՏԵՍԱՆՅՈՒԹ
Բաքվի դատարանում Արայիկ Հարությունյանը պատասխանել է Արցախի բանկային համակարգի վերաբերյալ հարցերի
Քաղաքականություն
23.06.2025 | 17:29
Բաքվում շարունակվում է Արցախի ղեկավարների նկատմամբ հարուցված շինծու գործերով դատական նիստը։
Ադրբեջանական լրատվամիջոցների հաղորդմամբ՝ Արցախի նախկին նախագահ Արայիկ Հարությունյանը պատասխանել է դատախազի հարցերին ԼՂ-ում բանկային համակարգի մասին։ Նա ասել է, որ ինքն էլ նախկինում աշխատել է Արցախի բանկային մասնաճյուղերում։
Նրա խոսքով՝ «Արցախբանկը», որը ներկայանում էր որպես Արցախի բանկ, գրանցվել է ՀՀ կենտրոնական բանկի կողմից։ Բանկի գրանցման վայր է նշվել Հայաստանի մայրաքաղաքը։ Ըստ Հարությունյանի՝ գլխավոր մասնաճյուղը գործում էր Ստեփանակերտի քաղաքում։ Բանկը մասնաճյուղեր է ունեցել նաև Արցախի այլ բնակավայրերում։
«Այս բանկը որևէ առավելություն և արտոնություն չուներ Հայաստանի մյուս բանկերի համեմատ»,- ասել է Արայիկ Հարությունյանը։ Դատական նիստը շարունակվում է։
Թարգմանությունը՝ Էմմա Չոբանյանի
