02.04.2026 | 16:49
Իմ խնդրանքը ձեզ, հարցրեք՝ տղամարդավարի պատրա՞ստ եք ներողություն խնդրել Սամվել Կարապետյանից․ Ղազինյան․ ՏԵՍԱՆՅՈՒԹ
Բաքվում ընթանում է Արցախի ղեկավարների շինծու գործերով հերթական նիստը
Քաղաքականություն
23.06.2025 | 14:23
Բաքվի զինվորական դատարանում ընթանում է Արցախի ղեկավարների ու տարբեր պաշտոնյաների՝ ընդհանուր 15 անձի նկատմամբ հարուցված շինծու գործերով դատական հերթական նիստը:
Նախորդ նիստը տեղի էր ունեցել հունիսի 21-ին, որի ընթացքում Արցախի նախկին նախագահ Բակո Սահակյանը պատասխանել էր պետական մեղադրողների հարցերին։
Նա նշել էր, որ մի ժամանակ ինքը «Հայաստան» համահայկական հիմնադրամի անդամներից մեկն է եղել՝ հայտարարելով որ ՀՀ կառավարության ներկայացուցիչները, ինչպես նաև Արցախի ղեկավարները հիմնադրամի անդամներ են եղել: Սահակյանը ասել էր, որ հիմնադրամի կողմից հավաքագրված միջոցների մի մասն ուղղվել է Հայաստանում տարբեր նախագծերի իրականացմանը, իսկ մյուս մասը՝ Արցախում աշխատանքների իրականացմանը։
Դատական նիստին ուսումնասիրվել էին նաև Արցախի տարածքներում, իբրև թե, «անօրինական բնակեցման վերաբերյալ մի շարք փաստաթղթեր»։
Ըստ ադրբեջանական լրատվամիջոցների՝ Բակո Սահակյանն էլ ասել էր, որ «հիմնականում Սիրիայի և Լիբանանի քաղաքացիներ, ինչպես նաև այլ երկրների որոշ բնակիչներ բերվել և վերաբնակեցվել են» Արցախի տարածքներում։
Հավելենք, որ Արցախի նախկին պետնախարար Ռուբեն Վարդանյանի գործն առանձին է քննվում։ Նրա գործով հաջորդ նիստը նշանակված է հունիսի 24-ին։
Թարգմանությունը՝ Էմմա Չոբանյանի
