04.06.2026 | 18:43
Սեպտեմբերից ավագ դասարանների սովորողների համար կգործեն անվտանգ երթևեկության և վարորդական իրավունքի խմբակներ
Բաքվի դատարանում Բակո Սահակյանը խոսել է ՀՀ ԱԺ-ում ստեղծված Ապրիլյան պատերազմի քննիչ հանձնաժողովից
Քաղաքականություն
20.06.2025 | 22:35
Բաքվի զինվորական դատարանում այսօր կայացել է Արցախի ղեկավարների, տարբեր պաշտոնյաների նկատմամբ հարուցված շինծու գործերով հերթական դատական նիստը։
Ադրբեջանական լրատվամիջոցների հաղորդմամբ` պետական մեղադրողները հարցեր են ուղղել Արցախի նախկին նախագահ Բակո Սահակյանին։
Նա նշել է, որ համաձայնել է մասնակցել 2016 թվականի ապրիլյան մարտերի վերաբերյալ Հայաստանի խորհրդարանում ստեղծված քննչական հանձնաժողովի նիստին։ Այս փաստը հաստատող փաստաթուղթը ներկայացվել է այսօր ռազմական դատարանի նիստում. Սահակյանը իր ցուցմունքում հաստատել է տեղեկատվության իսկությունը։
Նա հայտարարել է, որ Հայաստանում ապրիլյան մարտական գործողություններից հետո ստեղծվել է քննիչ հանձնաժողով։ Այն գլխավորել է Հայաստանի խորհրդարանի պաշտպանության և անվտանգության մշտական հանձնաժողովի նախագահ Անդրանիկ Քոչարյանը։
«Այդ հանձնաժողովի նիստում թե՛ զինվորականները, թե՛ քաղաքացիական անձինք պատասխանել են տարբեր հարցերի։ Այս հանձնաժողովն ինձ առաջարկ է ուղարկել։ Որովհետև նրանք չէին կարող ստիպել ինձ մասնակցել հանձնաժողովի նիստին», – ասել է Սահակյանը։
Նա նշել է, որ ինքը սպառիչ պատասխանել է քննիչ հանձնաժողովի հարցերին։
Սահակյանին նաև հարցրել են, թե ինչու է «Ադրբեջանի տարածքում տեղի ունեցած մարտերի քննիչ հանձնաժողովը կազմակերպվել Հայաստանում», ինչին ի պատասխան ասել է.
«ՀՀ խորհրդարանում քննչական հանձնաժողովի ստեղծումը նորմալ երևույթ է։ Որովհետև մենք խոսում էինք Հայաստանի զինված ուժերի կողմից իրականացված գործողության մասին»։
Հաջորդ դատական նիստը նշանակվել է հունիսի 21-ին։
Թարգմանությունը Էմմա Չոբանյանի
