Քաղաքականություն
20.06.2025 | 19:44
Իսրայելի պաշտպանության ուժերը արձանագրել են Իրանից արձակված հրթիռներ, ՀՕՊ համակարգերը գործում են։ Այս մասին ասվում է Իսրայելի պաշտպանության բանակի հայտարարության մեջ։ Հրթիռների հայտնաբերումից հետո Իսրայելի մի քանի շրջաններում հնչել են ազդանշաններ։
Իսրայելցի զինվորականները քաղաքացիներին խնդրել են չլքել պաշտպանված տարածքները մինչև հստակ հրահանգներ չստանան։
The Times of Israel-ի հաղորդմամբ՝ երկու մարդ ծանր վիրավորվել է Հայֆայում բալիստիկ հրթիռի հարվածից։ Հիվանդանոց են տեղափոխել 40-ամյա մի տղամարդու և 16-ամյա մի տղայի, որոնք ծանր վիճակում են և վիրավորվել են բեկորներից, ինչպես նաև 54-ամյա մի տղամարդու, որը միջին ծանրության վնասվածքներ ունի։ Մի քանի մարդ էլ թեթև վնասվածքներ է ստացել։ Ըստ առողջապահության և արտակարգ իրավիճակների պաշտոնյաների՝ առնվազն 17 մարդ վիրավորվել է։
