07.06.2026 | 17:03
Իսրայելում տարբեր քաղաքներում կրակոցների հետևանքով մեկ մարդ զոհվել է, հինգը՝ վիրավորվել
Իրանը հարված է հասցրել իսրայելական Բեեր Շեբա քաղաքի տեխնոլոգիական կենտրոնի տարածքին․ կան վիրավորներ․ՏԵՍԱՆՅՈՒԹ
Քաղաքականություն
20.06.2025 | 10:51
Այսօր առավոտյան Իսրայելի Բեեր Շեբա քաղաքի վրա հարձակման ժամանակ Իրանը բալիստիկ հրթիռ է արձակել․ գրում է The Times of Israel-ը։ Հրթիռը որսալ չի հաջողվել, ու այն ընկել է բնակելի շենքերին մոտ տարածքում։ Հաղորդվում է, որ վիրավորներ կան։
The Jerusalem Post-ի փոխանցմամբ՝ «Սորոկա» բժշկական կենտրոնի խոսնակը տեղեկացրել է, ոչ ուրբաթ առավոտյան Բեեր Շեբա քաղաքում իրանական հրթիռի ընկնելուց հետո, ապաստարաններ փախչելիս, յոթ մարդ թեթև վնասվածք է ստացել։
Խոսնակը հավելել է, որ բոլոր վիրավորները տեղափոխվել են հիվանդանոց՝ բժշկական օգնություն ստանալու։
Հավելենք, որ համացանցում նաև կադրեր են տարածվում Բեեր Շեբա տեխնոլորգիական կենտրոնի տարածքին հասցված հարվածից։
CNN-ը գրում է, որ Իսրայելի արտակարգ իրավիճակների ծառայության Մագեն Դեյվիդ Ադոմ (MDA) գործակալության տվյալներով՝ փրկարարները շենքերում որոնում են վիրավորների՝ այն բանից հետո, երբ իրանական հրթիռը ընկել է Բեեր Շեբա քաղաքի տեխնոլոգիական այգու մոտ։
MDA-ն հայտարարել է, որ հարվածի հետևանքով թեթև վիրավորված վեց մարդ է հայտնաբերվել։ MDA-ն հայտարարել է նաև, որ այնտեղ ուր տեղակայված է Microsoft-ի գրասենյակը, որոնողական աշխատանքներ են իրականացվում՝ համոզվելու համար, որ շենքում տուժածներ չկան։
Թարգմանությունը՝ Էմմա Չոբանյանի
