21.06.2026 | 19:02
Ջեյ Դի Վենսը հայտնել է Իրանի հետ բանակցություններում առաջընթացի մասին
«Ես և իմ եղբայր Էրդողանն ուս ուսի տված էինք Ղարաբաղի հարցում». Ալիև
Քաղաքականություն
19.06.2025 | 20:43
«Ես և իմ եղբայր Ռեջեփ Թայիփ Էրդողանը ուս ուսի տված էինք նաև Ղարաբաղի հարցում։ Մենք միասին էինք պատերազմի առաջին օրվանից։ Պատերազմի առաջին ժամերին Թուրքիայի նախագահի կողմից ցուցաբերված քաղաքական և բարոյական աջակցությունը, այն փաստը, որ թուրք ժողովուրդը մեզ հետ էր, մեզ լրացուցիչ ուժ տվեց»,- ադրբեջանական լրատվամիջոցների հաղորդմամբ՝ այս մասին հայտարարել է Իլհամ Ալիևը թուրքական Քահրամանմարաշում «Ադրբեջան» թաղամասի բացման արարողության ժամանակ։
Նա նշել է, որ Ադրբեջանն ու Թուրքիան միասին են Ղարաբաղյան երկրորդ պատերազմի առաջին օրվանից։
«Այսօր Թուրքիա-Ադրբեջան միասնությունը կարևոր գործոն է ոչ միայն մեր երկրների, այլև համաշխարհային մասշտաբով։ 4 տարի առաջ մեր կողմից ստորագրված Շուշայի հռչակագրով մեր հարաբերությունները պաշտոնապես բարձրացան դաշինքի մակարդակի»,- հայտարարել է Ադրբեջանի նախագահը։
Նա ընդգծել է, որ Ադրբեջանը միշտ եղել է Թուրքիայի կողքին, իսկ Թուրքիան՝ Ադրբեջանի։
Հավելենք, որ ադրբեջանական թաղամասի բացումից առաջ Էրդողանն ու Ալիևը նաև երկկողմ բանակցություններ են անցկացրել։
Հիշեցնենք, որ հունիսի 20-ին նախատեսված է ՀՀ վարչապետ Նիկոլ Փաշինյանի այցը Թուրքիա: Factor.am-ին ՀՀ վարչապետ Նիկոլ Փաշինյանի մամուլի խոսնակ Նազելի Բաղդասարյանը հայտնել էր. որ Թուրքիայում Փաշինյան-Ալիև հանդիպում նախատեսված չէ։
Թարգմանությունը՝ Էմմա Չոբանյանի
