24.06.2026 | 10:42
«Ինձ պիտի օգնեք, որ ես դառնամ համայնքապետ». ՀԿԿ-ն նոր գաղտնալսում է հրապարակել
Իսրայելը հարվածել է Իրանի Արաքի ծանր ջրի ռեակտորին, Իրանը հրթիռակոծել է Իսրայելի 3 քաղաք ու «Սորոկա» բժշկական կենտրոնը
Քաղաքականություն
19.06.2025 | 09:45
Այսօր՝ հունիսի 19-ին, Իսրայելն ու Իրանը շարունակել են օդային հարվածները։
The Times of Israel-ը հայտնում է, որ Իրանը հրթիռակոծել է Բեեր Շեբայի «Սորոկա» բժշկական կենտրոնը։ ԲԿ-ի խոսնակը հայտնել է, որ հիվանդանոցը տարբեր մասնաշենքերում «մեծ վնասներ» է կրել, և հարձակման հետևանքով մարդիկ են վիրավորվել։
Բեեր Շեբայից բացի, իրանական հրթիռները հարվածել են նաև Թել Ավիվին, Ռամատ Գանին և Հոլոնին՝ պատճառելով մեծ վնասներ։
Ըստ լրատվամիջոցի՝ «վերջին հարվածից հետո կենտրոնական և հարավային Իսրայելում կան վիրավորներ և առնվազն չորս հրթիռային հարվածի վայր»։
Նշվում է, որ Հոլոնում մեկ մարդ ծանր վիրավորվել է, ևս 20-ը՝ թեթև վիրավորում են ստացել։
Իսրայելի քաղաքացիներին հրահանգվել է մնալ ռմբապաստարաններում։ Հրահանգները, մասնավորապես, հնչել են կենտրոնական, հյուսիսային և հարավային Իսրայելում, ինչպես նաև Երուսաղեմի տարածքում։
Իսկ ահա Իրանի պետական հեռուստատեսությունը հայտնել է, որ Իսրայելը հարձակվել է Իրանի Արաքի ծանր ջրի ռեակտորի (IR-40) վրա։
Հաղորդագրությունում ասվում է, որ «բացարձակապես ճառագայթման վտանգ չկա» և որ օբյեկտն արդեն տարհանվել էր հարձակումից առաջ։
Իսրայելը առավոտյան զգուշացրել էր հարձակման մասին և կոչ էր արել հանրությանը լքել տարածքը։
Թարգմանությունը՝ Անահիտ Խաչատրյանի
