ԵՄ ԱԳ նախարարները համաձայն են, որ Իրանը երբեք չպետք է ունենա միջուկային զենք

ԵՄ արտաքին գործերի նախարարների հանդիպումից հետո միության դիվանագիտության ղեկավար Կայա Կալլասը հայտարարել է, որ համաձայնեցրել է դիրքորոշումը, որ Իրանը երբեք չպետք է միջուկային զենք ունենա։ «Մենք բոլորս համաձայն ենք, որ Իրանը երբեք չպետք է միջուկային զենք ունենա։
Շտապ անհրաժեշտ է լիցքաթափել իրավիճակը։ ԵՄ-ն իր դերը կխաղա դիվանագիտական ​​ջանքերում»,-նշել է Կալլասը X-ի  իր միկրոբլոգում։

Նա նաև Իրանի և Իսրայելի միջև շարունակվող հակամարտության անհապաղ դեէսկալացիայի կոչ է արել, քանի որ ուրբաթ օրվանից ի վեր հրթիռային փոխհրաձգությունները սրվել են։

«Մենք բոլորս համաձայնեցինք լարվածության թուլացման անհապաղ անհրաժեշտության հարցում։ Իրանը չի կարող միջուկային ռումբ ունենալ, և դիվանագիտությունը դա կանխելու լուծումն է։ Եվ ԵՄ-ն կխաղա իր դերը։ Ես նաև նկատի ունեցա ԵՄ նախարարների աջակցությունը Եվրամիությանը և իմ ներգրավվածությունը լարվածության թուլացման գործում։ Այսպիսով, ես ոչ մի ջանք չեմ խնայի այս հարցում»,-նշել է նա։

Կալլասը նաև ընդգծել է  Իրանի արագացված միջուկային ծրագրի վերաբերյալ մտահոգությունները՝ մեջբերելով Ատոմային էներգիայի միջազգային գործակալության վերջերս արված հայտարարությունը, որ Թեհրանը խախտել է միջուկային զենքի չտարածման պարտավորությունները։

«Ահա թե ինչու մենք նույնպես համաձայն ենք, որ դիվանագիտական ​​լուծումը երկարաժամկետ հեռանկարում Իրանի միջուկային ծրագիրը լուծելու լավագույն միջոցն է, և Եվրոպան պատրաստ է իր դերը խաղալ։ Անցյալ շաբաթ Ատոմային էներգիայի միջազգային գործակալությունը հայտարարեց, որ Իրանը խախտում է միջուկային զենքի չտարածման իր պարտավորությունները։ Մենք չենք կարող ներողամիտ լինել, երբ Իրանը արագացնում է իր միջուկային ծրագիրը»,-ասել է Կալլասը։

Նա նշել է, որ  E3 երկրների ԱԳ նախարարները (Ֆրանսիայի, Մեծ Բրիտանիայի, Գերմանիայի) զանգահարել են Իրանի ԱԳ նախարարին․ թե ինչ կարող են անել՝ իսկապես նստելու և լարվածությունը նվազեցնելու համար։ Ըստ նրա՝  բոլորը  համաձայն են,  դիվանագիտական ​​լուծումն է միակը Իրանի միջուկային ծրագրի համար»։

Թարգմանությունը՝ Էմմա Չոբանյանի