13.01.2026 | 14:33
Իրանի ԱԳ նախարարը հայտարարել է, որ Ուիթկոֆի հետ իր շփումները շարունակվում են
Իսրայելը հայտարարել է, որ Թեհրանին հասցված հարվածի հետևանքով սպանել է Իրանի հետախուզության չորս բարձրաստիճան պաշտոնյայի
Քաղաքականություն
16.06.2025 | 16:12
Իսրայելի զինված ուժերը հայտարարել են, որ իրենց ռազմաօդային ուժերը հարվածել են Թեհրանի մոտակայքում գտնվող Իրանի հետախուզական ծառայությունների կողմից օգտագործվող շենքին, որի հետևանքով զոհվել են չորս բարձրաստիճան պաշտոնյա, այդ թվում՝ Իսլամական հեղափոխության պահապանների կորպուսի հետախուզական կազմակերպության ղեկավարը, գրում է Iran International-ը։
Իսրայելի բանակի ուժերի հայտարարության համաձայն՝ հարվածի հետևանքով զոհվել են Իսլամական հեղափոխության պահապանների կորպուսի հետախուզական ստորաբաժանման ղեկավար Մոհամմադ Քազեմին, նրա տեղակալ Մոհամմադ Հասան Մոհաքեքը, ինչպես նաև «Քուդս» ուժերի հետախուզական վարչության ղեկավար և տեղակալ Մոհսեն Բաղերին և Աբու ալ-Ֆազլ Նիկուեյը։
«Այս բարձրաստիճան պաշտոնյաները կենտրոնական դեր են խաղացել Իրանի սպառնալիքների գնահատման ձևավորման և Իսրայելի, Արևմուտքի և տարածաշրջանային երկրների դեմ ահաբեկչական գործողությունների պլանավորման գործում»,- ասվում է հայտարարության մեջ։
Իսրայելի զինված ուժերը հավելել են, որ հարվածը լրջորեն վնասել է Իրանի հետախուզական կարողությունները և հաջորդել է ուրբաթ իրանական բանակի գլխավոր հետախուզական աշխատակցի սպանությանը։ Այս հայտարարությունը հնչել է երկրի վարչապետ Բենիամին Նեթանյահուի կողմից Fox News-ին տված հարցազրույցում հաստատումից մեկ օր անց, որ Իսրայելը Թեհրանում հարվածի ժամանակ սպանել է Քազեմիին և Մոհաքեքին։
Հիշեցնենք՝ ԻՀՊԿ-ն նախօրեին հայտարարել էր, որ «հետախուզության երեք գեներալներ՝ Մոհամմադ Քազեմին, Հասան Մոհաքեքը և Մոհսեն Բաղերին, նահատակվել են»։
Թարգմանությունը՝ Էմմա Չոբանյանի
