Մեծ Բրիտանիայի հետախուզությունն առաջին անգամ կին կղեկավարի

Մեծ Բրիտանիայի վարչապետ Քիր Սթարմերը հայտարարել է երկրի Գաղտնի հետախուզական ծառայության (MI6) առաջին կին ղեկավարի նշանակման մասին։ Բլեյզ Մետրևելին կլինի կազմակերպության պատմության մեջ 18-րդ ղեկավարը և առաջին կինը, որը կզբաղեցնի այս պաշտոնը՝ այն ժամանակ, երբ Միացյալ Թագավորությունը բախվում է հակառակորդների կողմից սպառնալիքների աճի։

Ներկայում նա պատասխանատու է MI6-ի տեխնոլոգիաների և նորարարության համար։ Մետրևելին կփոխարինի սըր Ռիչարդ Մուրին, որն աշնանը կհեռանա ծառայությունից։

«Բլեյզ Մետրևելիի պատմական նշանակումը տեղի է ունենում այն ​​ժամանակ, երբ մեր հետախուզական ծառայությունների աշխատանքը երբեք այսքան կարևոր չի եղել։ Միացյալ Թագավորությունը բախվում է աննախադեպ մասշտաբի սպառնալիքների՝ լինեն դրանք ագրեսորներ, որոնք իրենց լրտեսական նավերն են ուղարկում մեր ջրային տարածքներ, թե հաքերներ, որոնց բարդ կիբերծրագրերը փորձում են խաթարել մեր հանրային ծառայությունները»,- ասել է Սթարմերը՝ շնորհակալություն հայտնելով Ռիչարդ Մուրին նվիրված ծառայության համար։

Ինքը՝ Մետրևելին, ասել է, որ «հպարտ է» նշանակման կապակաությամբ և այն համարում է «պատիվ»։

Բլեյզ Մետրևելին 47 տարեկան է, բրիտանական հետախուզական ծառայություններում աշխատում է 1999 թվականից։ Նա  ներկայում զբաղեցնում է Q ստորաբաժանման՝ MI6-ի տեխնոլոգիաների և նորարարությունների համար պատասխանատու ստորաբաժանման ղեկավարի պաշտոնը: Մինչ այդ ղեկավարել է Բրիտանական անվտանգության ծառայությունը (MI5)՝ հակահետախուզական գործակալությունը։ Կարիերայի մեծ մասը նա անցկացրել է Մերձավոր Արևելքում և Եվրոպայում օպերատիվ պաշտոններում, մարդաբանություն է սովորել Քեմբրիջի Փեմբրոք քոլեջում։

Թարգմանությունը՝ Էմմա Չոբանյանի