29.04.2026 | 18:50
Ժոզե Մոուրինյուն արձագանքել է «Ռեալ» վերադառնալու մասին լուրերին
Սկսվել է Իսրայելին ուղղված իրանական պատասխան հարվածի երրորդ ալիքը
Քաղաքականություն
13.06.2025 | 23:40
Իրանը հրթիռային հարձակումների երրորդ ալիքն է սկսել Իսրայելի դեմ, ՏԱՍՍ-ի փոխանցմամբ՝ հաղորդում է իրանական IRIB հեռուստառադիոընկերությունը:
Իրանի պատասխան գործողությունների մասին տեղեկությունը հայտնվել է Իրանի գերագույն առաջնորդ Ալի Խամենեիի՝ Իսրայելին ուժով պատասխանելու խոստումով իրանցիներին ուղղված ուղերձից հետո:
Ավելի վաղ տեղեկացրել էինք, որ Իրանը հրթիռների երկրորդ ալիքն է արձակել Իսրայելի ուղղությամբ։ Մի քանի հրթիռ հարվածել է ազգային անվտանգության նախարարության շենքին։
Հիշեցնենք, որ Իսրայելի ռազմաօդային ուժերը հունիսի լույս 13-ի գիշերը հարվածել են Իրանի տարածքին, որից հետո Իսրայելը փակել է իր օդային տարածքը: Իսրայելի բանակի տվյալներով՝ հարվածները հասցվել են Իրանում միջուկային ծրագրի և այլ ռազմական օբյեկտների հետ կապված տասնյակ թիրախների։ Իսրայելական բանակը հայտնել է, որ գիշերը հարվածներ են հասցվել Իրանում ավելի քան 100 թիրախների: Գործողությանը մասնակցել է 200 կործանիչ: Հաղորդվում է, որ զոհվել է Իրանի ԶՈՒ-ի երեք բարձրաստիճան հրամանատար, ինչպես նաև 6 միջուկային գիտնական: Իրանի «Ֆարս» լրատվական գործակալությունը հաղորդում է, որ գիշերը Իսրայելի հարվածների հետևանքով զոհվել է 78 մարդ։
