13.01.2026 | 10:16
Պետդեպարտամենտում այսօր Մարկո Ռուբիոն կընդունի Արարատ Միրզոյանին
Ինչպես է քվեարկել Հայաստանը ՄԱԳԱՏԷ-ի կառավարիչների խորհրդում Իրանի դեմ բանաձևին
Քաղաքականություն
12.06.2025 | 21:18
Ատոմային էներգիայի միջազգային գործակալության (ՄԱԳԱՏԷ) կառավարիչների խորհուրդը հինգշաբթի բանաձև է ընդունել, որով 20 տարվա ընթացքում առաջին անգամ դատապարտում է Իրանի կողմից իր պարտավորությունների «չկատարումը»։ Կառավարիչների խորհուրդը ՄԱԳԱՏԷ-ի քաղաքականության մշակման երկու մարմիններից մեկն է՝ անդամ պետությունների տարեկան Գլխավոր կոնֆերանսի հետ միասին։ Հայաստանը 2024-2025 թվականների խորհրդի 35 անդամ թվում է։
Իրանի դեմ ընդունված բանաձևին կողմ է քվեարկել 19 երկիր՝ ԱՄՆ, Մեծ Բրիտանիա, Ֆրանսիա, Գերմանիա, Իսպանիա, Արգենտինա, Ավստրալիա, Բելգիա, Էկվադոր, Ուկրաինա, Կանադա, Վրաստան, Ճապոնիա, Հարավային Կորեա, Մարոկկո, Իտալիա, Լյուքսեմբուրգ, Նիդերլանդներ, Կոլումբիա։
Դեմ է քվեարկել երեք երկիր՝ Ռուսաստան, Չինաստան, Բուրկինա Ֆասո։
Հայաստանը ձեռնպահ է քվեարկել։ Ձեռնպահ քվեարկած երկրների թվում են նաև Հարավաֆրիկյան Հանրապետությունը, Հնդկաստանը, Պակիստանը, Եգիպտոսը, Ինդոնեզիան, Բրազիլիան, Գանան, Թաիլանդը, Ալժիրը, Բանգլադեշը, ընդհանուր առմամբ՝ 11 երկիր։
Պարագվայը և Վենեսուելան քվեարկելու իրավունք չեն ունեցել։
Հիշեցնենք, որ Իրանի ԱԳՆ-ն և Ատոմային էներգիայի կազմակերպությունը համատեղ հայտարարություն են տարածել՝ ի պատասխան բանաձևի ընդունման։
Թարգմանությունը՝ Էմմա Չոբանյանի
