29.04.2026 | 17:12
Փաշինյանը ԱԺ-ում ասաց` նեռվերիս հետ մի՛ խաղացեք, կհայտնվեք ԱԱԾ պադվալում. սա ձեզ չի՞ հետաքրքրում․ Արթուր Խաչատրյանը՝ Դատախազին
Թրամփը հայտնել է, որ Չինաստանի հետ առևտրային գործարքը համաձայնեցվել է և սպասում է երկու երկրների ղեկավարների հաստատմանը
Քաղաքականություն
11.06.2025 | 21:11
ԱՄՆ նախագահ Դոնալդ Թրամփը հայտարարել է Չինաստանի հետ գործարքի կնքման մասին։ Նա այս մասին գրել է Truth Social սոցիալական ցանցում՝ նշելով, որ գործարքն արդեն «ավարտված է»։
«Մեր գործարքը Չինաստանի հետ արված է, ենթակա է նախագահ Սիի ու իմ վերջնական հաստատմանը։ Բոլոր մագնիսները և բոլոր անհրաժեշտ հանքանյութերը կմատարարվեն, առաջինը՝ Չինաստանի կողմից»,- գրել է Թրամփը՝ նշելով, որ ԱՄՆ-ն էլ կվերացնի ամերիկյան քոլեջներում և համալսարաններում սովորող չինացի ուսանողների նկատմամբ սահմանափակումները։
Նա նաև հայտնել է, որ գործարքի շրջանակում չինական ապրանքների համար սահմանված ԱՄՆ մաքսատուրքերը 145%-ից կնվազեն մինչև 55%, իսկ Չինաստանը 125%-ից կնվազեցնի իր մաքսատուրքերը մինչև 10%։ Թրամփը նաև հավելել է, որ երկու երկրների հարաբերությունները հիանալի են։
Հիշեցնենք, որ նախորդ երկու օրվա ընթացքում Չինաստանն ու ԱՄՆ-ը Լոնդոնում առևտրային բանակցություններ էին անցկացնում։
Թարգմանությունը՝ Էմմա Չոբանյանի
