23.02.2026 | 13:14
Բուժաշխատողները բողոքում են․ ակցիա՝ ապահովագրական համակարգի բացերի շուրջ ԱԺ լսումներ անցկացնելու պահանջով
Դիպվածը կստանա իրավական գնահատական, վարորդը` խիստ նկատողություն․ նախարարը՝ Իոաննիսյանի տարածած տեսանյութի առնչությամբ
Հասարակություն
10.06.2025 | 15:28
ՀՀ առողջապահության նախարար Անահիտ Ավանեսյանն արձագանքել է «Իրազեկ քաղաքացիների միավորում» ՀԿ-ի համակարգող Դանիել Իոաննիսյանի գրառմանն ու հրապարակած տեսանյութին։
«Շնորհակալ եմ պարոն Իոաննիսյանին հանրային վերահսկողության և լուսաբանման համար. կիրակի օրը իմ ծառայողական մեքենան վարորդը ավտոլվացման կետ տանելիս թույլ է տվել խախտում և անընդունելի վարքագիծ` երեխայի անվտանգության առումով: Դիպվածը կստանա իրավական գնահատական, իսկ վարորդը` նաև խիստ նկատողություն»,- գրել է նախարարը։
Նշենք, որ Իոաննիսյանի հրապարակած տեսանյութում երևում է վարորդը, իսկ առջևի նստատեղում՝ նրա մանկահասակ երեխան։
«Առողջապահության նախարարի ծառայողական 006LL55 մեքենան (քանի դեռ պետությունը ձև է տալիս, թե պայքարում է քարսիթների և ամրագոտիների օգտոգործման համար)»,- տեսանյութին կից գրել է Իոաննիսյանը։
Թեմայի առնչությամբ դիտեք նաև Factor.TV-ի պատրաստած տեսանյութը։
