24.05.2026 | 01:30
«SOAD-ը Երևանու՞մ». Սերժ Թանկյանը հայտարարել է՝ հուլիսին համերգ չի լինի
Պիղծ է նման հարցը․ Լիլիթ Գալստյանը՝ կաթողիկոսի զավակ ունենալու թեման օրակարգ բերելու մասին. ՏԵՍԱՆՅՈՒԹ
Քաղաքականություն
03.06.2025 | 18:43
Քոչարյանի ղեկավարած «Հայաստան» դաշինքի պատգամավոր Լիլիթ Գալստյանն անընդունելի է համարում կաթողիկոսի՝ երեխա ունենալու մասին Փաշինյանի հարցադրումները։
«Սա հիվանդ հարց է, գոյության իրավունք չունենալու հարց է, մեր հավատավոր հոտը ամենայն վստահություն ունի եկեղեցու նկատմամբ։ Այդ հարցը անբարոյական է, պիղծ է, գոյության իրավունք չունի, մենք հավատում ենք մեր եկեղեցուն։ Նիկոլ Փաշինյանից ամեն բան սպասելի է, չեմ զարմանա, որ այլ հիվանդագին մտածումներ ունենա, բայց եկեղեցին ունի իր ներքին կանոնակարգը, որով էլ ընտրվում է Ամենայն Հայոց կաթողիկոսը»,- ասաց Լիլիթ Գալստյանը՝ նշելով, որ չի տեսնում անհրաժեշտություն, որ պետությունը միջամտի կաթողիկոսի ընտրությանը։
Ընդդիմադիր Լիլիթ Գալստյանը կարծում է իրավապահների միջամտության անհրաժեշտության կա՝ Փաշինյանին զսպելու համար։
«Նորմալ երկրում դատախազությունը պետք է միջամտեր այս գործընթացներին և ասեր, որ խախտում ես սահմանադրական կարգը, բայց ո՛չ նա, ո՛չ ՄԻՊ-ը, ո՛չ ԱԱԾ-ից որևէ սահմանադրական կեցվածք չեմ սպասում»,-ասաց նա։
Մանրամասները՝ տեսանյութում։
Նարեկ Կիրակոսյան
