01.08.2026 | 23:46
Արման Ծառուկյանը հաղթեց երևանյան մենամարտում. ՏԵՍԱՆՅՈՒԹ
«Սրտի կանգ» ախտորոշմամբ բուժօգնության տեղափոխված երկամյա աղջիկը վերակենդանացման բաժանմունքում մահացել է
Հասարակություն
30.05.2025 | 15:18
Արմավիր քաղաքից «սրտի կանգ» ախտորոշմամբ բուժօգնության է տեղափոխվել երկամյա աղջիկ։ ՆԳՆ մամուլի խոսնակ Նարեկ Սարգսյանը Factor.am-ին հայտնեց, որ Ոստիկանությունն ահազանգը ստացել է մայիսի 27-ին՝ ժամը 15։41-ին «Արմավիր» բժշկական կենտրոնից։
«Բուժկենտրոնից հայտնել են, որ ժամը 12։22-ին շտապօգնության խումբը Արմավիր քաղաքի Սայաթ-Նովայի փողոցի մի տնից «սրտի կանգ» ախտորոշմամբ բուժօգնության է տեղափոխել երկամյա աղջնակի: Երեխան տեղափոխվել է «Սուրբ Աստվածամայր» բժշկական կենտրոն, որտեղից էլ առավոտյան հայտնել են, որ ժամը 07։40-ին վերակենդանացման բաժանմունքում երեխան մահացել է»,- ասաց Սարգսյանը։
Ըստ խոսնակի՝ կազմված փաստաթղթերը փոխանցվել են նախաքննական մարմին։ Քննչական կոմիտեի մամուլի խոսնակ Կիմա Ավդալյանը Factor.am-ին փոխանցեց՝ սպանության հատկանիշներով նախաձեռնվել է քրեական վարույթ։
«Նախաքննության ընթացքում 1 անձ ճանաչվել է տուժող։ Նշանակվել է դիակի դատաբժշկական փորձաքննություն»,- նշեց Ավդալյանը։ Նրա փոխանցմամբ՝ նախաքննությունը շարունակվում է։
Արփի Հակոբյան
