18.02.2026 | 11:11
Ուիթկոֆը հայտարարել է, որ Ուկրաինայում պատերազմի հարցով բանակցություններում «նշանակալի առաջընթաց» է գրանցվել
Բաքվում Արցախի ղեկավարների շինծու գործերով նիստում «տուժողներ» են ցուցմունք տալիս
Հասարակություն
30.05.2025 | 15:34
Բաքվի զինվորական դատարանում ընթանում է Արցախի ղեկավարների և այլ պաշտոնյաների՝ ընդհանուր 15 անձի նկատմամբ հարուցված շինծու գործերով հերթական դատական նիստը։ Ադրբեջանական լրատվամիջոցների հաղորդմամբ՝ այսպես կոչված, «տուժողներ» են ցուցմունք տալիս։
Մասնավորապես, «տուժող» Էլչին Շիրինովը հայտարարել է, թե «2020 թվականի հոկտեմբերի 28-ին, ժամը 13:00-ի սահմաններում, երբ նա գտնվել է Բարդայում՝ ՎԱԶ 21074 մակնիշի մեքենայում, իր վրա ընկել է Հայաստանի զինված ուժերի կողմից արձակված «Սմերչ» հրթիռը, և ինքը բեկորային վիրավորում է ստացել»։
«Բարդայի վրա բազմաթիվ հարձակումներ են եղել։ Բազմիցս արձակվել են «Սմերչ» հրթիռներ: Արդյունքում եղել են բազմաթիվ զոհեր և վիրավորներ»,- ասել է «տուժողը»։
Հավելենք՝ մայիսի 29-ին տեղի ունեցած նիստի ընթացքում անդրադարձ էր եղել 2016 թվականի ապրիլիյան պատերազմին և 2020-ի Տավուշի մարտերին, հայ գերիները հարցեր էին ուղղել «տուժողներին»։
Թարգմանությունը՝ Էմմա Չոբանյանի
