09.08.2026 | 13:13
Դաշտավանում ծեծկռտուք է եղել․ մասնակիցները հարվածել են քարերով, մահակներով և կռփազենքով
Բայրամովը ԱՄՆ պետքարտուղարի փոխտեղակալի հետ քննարկել է ՀՀ-ի հետ կարգավորման գործընթացն ու առկա խոչընդոտները
Քաղաքականություն
30.05.2025 | 15:07
Ադրբեջանի ԱԳ նախարար Ջեյհուն Բայրամովն ընդունել է ԱՄՆ պետքարտուղարի եվրոպական ու եվրասիական հարցերով փոխտեղակալ Ջոշուա Հաքի գլխավորած պատվիրակությանը։ Ադրբեջանի ԱԳՆ հաղորդմամբ՝ հանդիպմանը քննարկվել են ԱՄՆ-Ադրբեջան երկկողմ ու բազմակողմ համագործակցության հարցեր, ինչպես նաև Հայաստանի ու Ադրբեջանի միջև կարգավորման ընթացիկ իրավիճակը։
Հանդիպման ընթացում նշվել է Ադրբեջանի ու ԱՄՆ-ի միջև պատմականորեն ձևավորված հարաբերությունների նշանակությունը մի շարք ուղղություններով, փոխշահավետ համագործակցության կարևորությունը էներգետիկ անվտանգության ու այլ ոլորտներում, ինչպես նաև փոխադարձ շահերի հիման վրա երկկողմ համագործակցության հետագա զարգացումը։
Հաղորդվում է, որ քննարկվել են տարածաշրջանում էներգետիկ նախագծերը, վերականգնվող էներգիայի ծրագրերը, տրանսպորտային և հաղորդակցման ուղիների հեռանկարները, ինչպես նաև Կենտրոնական Ասիայի հետ համատեղ համագործակցությունը։
«Նախարար Ջեյհուն Բայրամովը իր զրուցակցին տեղեկացրել է հետհակամարտության շրջանում տարածաշրջանում ստեղծված իրավիճակի, Ադրբեջանի և Հայաստանի միջև խաղաղության գործընթացի ներկա վիճակի և հեռանկարների, ինչպես նաև առկա խոչընդոտների մասին»,- ասվում է հաղորդագրության մեջ։
Հիշեցնենք, որ նախօրեին Երևանում Հաքը հանդիպել էր ՀՀ ԱԳ նախարար Արարատ Միրզոյանին և ԱԽ քարտուղար Արմեն Գրիգորյանին։
Թարգմանությունը՝ Էմմա Չոբանյանի
