15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Եգիպտոսում հարձակում գործած հանցագործը վնասազերծվել է հայ զբոսաշրջիկի օժանդակությամբ
15.07.2017 | 11:31
Եգիպտոսի Կարմիր ծով նահանգի նահանգապետ Ահմեդ Աբդալլան հայտարարել է, որ նախօրեին երեկոյան տեղի ունեցած զինված հարձակումը «եզակի դեպք» է: Այսպես է նա մեկնաբանել Հուրգադայում տեղի ունեցած հարձակումը, որի ժամանակ երկու կին է զոհվել. գրում է gazeta.ru-ն:
«Անվտանգության ուժերը նման իրավիճակում օպերատիվ են գործել»,- հավելել է պաշտոնյան:
Նշենք, որ նախօրեին Եգիպտոսի Հուրգադա քաղաքի հյուրանոցներից մեկում դանակով զինված անձը հարձակում է գործել զբոսաշրջիկների վրա: Միջադեպի հետևանքով Գերմանիայի երկու քաղաքացի զոհվել է, ևս 4 զբոսաշրջիկ վիրավորվել է: Տուժածների թվում եղել են նաև ՀՀ քաղաքացիներ:
ՀՀ արտգործնախարարության խոսնակ Տիգրան Բալայանը Twitter-ի իր միկրոբլոգում տեղեկացրել է, որ տուժած ՀՀ քաղաքացիների կյանքին վտանգ չի սպառնում. «Հանցագործը վնասազերծվել է մեր վիրավոր քաղաքացու օժանդակությամբ»:
