14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Զելենսկին և Վենսը իրար ձեռք են սեղմել Վատիկանում՝ Սպիտակ տանը տեղի ունեցած վեճից հետո առաջին անգամ
Քաղաքականություն
18.05.2025 | 15:34
Հռոմի պապ Լևոն XIV-ի գահակալության արարողության ժամանակ Ուկրաինայի նախագահ Վլադիմիր Զելենսկին և ԱՄՆ փոխնախագահ Ջեյ Դի Վենսը հանդիպել են Վատիկանում և իրար ձեռք սեղմել։ Սա նրանց առաջին շփումն է փետրվարի վերջին Սպիտակ տանը տեղի ունեցած վեճից ի վեր, որի ընթացքում Վենսը Զելենսկուն մեղադրել էր անհարգալից վերաբերմունքի համար, փոխանցում է Meduza-ն։
Հիշեցնենք՝ Ուկրաինայի նախագահ Վլադիմիր Զելենսկին փետրվարի 28-ին լրագրողների ներկայությամբ Սպիտակ տանը բանավիճել է ԱՄՆ նախագահ Դոնալդ Թրամփի և փոխնախագահ Ջեյ Դի Վենսի հետ: Վերջինս Զելենսկիին ասել էր․ «Այս հանդիպման ժամանակ գոնե մի անգամ «շնորհակալություն» հայտնե՞լ եք: Դուք գնացիք Փենսիլվանիա և հոկտեմբերին քարոզարշավ անցկացրիք ընդդիմության համար: Գոնե մի քանի երախտիքի խոսք ասեք Միացյալ Նահագներին և նախագահին, որը փորձում է փրկել ձեր երկիրը»։
Գահակալությունից հետո, ինչպես հաղորդում է Վատիկանը, Հռոմի պապը անձնական հանդիպում կունենա Վլադիմիր Զելենսկու հետ, իսկ վաղը առավոտյան՝ Ջեյ Դի Վենսի հետ։
