16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Ամերիկյան կողմի հետ քննարկվում են տարածաշրջանում խաղաղության հաստատմանը նպաստող նախաձեռնություններ. ԱԳՆ խոսնակ
Քաղաքականություն
14.05.2025 | 21:35
ԱԳՆ մամուլի քարտուղար Անի Բադալյանն արձագանքել է ԱՄՆ նախագահի Մերձավոր Արևելքի հարցերով հատուկ բանագնաց, ավագ խորհրդական և օգնական Սթիվ Ուիթկոֆի այսօրվա հայտարարությանը, թե Աբրահամյան համաձայնագրերի ընդլայնում տեղի կունենա առաջիկա ամիսների ընթացքում։
«Ամերիկյան կողմի հետ երկխոսության շրջանակներում քննարկվում են տարբեր թեմաներ. ինչպես ձևավորված ռազմավարական գործընկերությունը, այնպես էլ տարածաշրջանում խաղաղության հաստատմանը նպաստող նախաձեռնությունները, իհարկե, կարող են նոր հնարավորություններ տալ»,- Factor.am-ի հարցին ի պատասխան ասաց Բադալյանը:
Հիշեցնենք, որ Սթիվ Ուիթկոֆը Breitbart News-ի հետ զրույցում հայտարարել էր, թե, հավանաբար, Աբրահամյան համաձայնագրերի ընդլայնում տեղի կունենա մի քանի ամիսների, այլ ոչ թե տարիների ընթացքում։
«Դա կարող է տեղի ունենալ, ես խոսում եմ Աբրահամյան խաղաղության համաձայնագրերին երկրների միանալու մասին, դա կարող է տեղի ունենալ նաև Ադրբեջանի և Հայաստանի հետ։ Մենք կարծում ենք, որ շատ-շատ մոտ ենք այդ երկրներում հակամարտությունների կարգավորմանը՝ վերջնական կարգավորմանը։ Կարծում եմ՝ երկուսն էլ կարող են պատրաստ լինել միանալ Աբրահամյան համաձայնագրերին։ Այսպիսով, սա նախագահի համար հսկայական նախաձեռնություն է։ Սա նպաստում է տարածաշրջանում խաղաղությանն ու կայունությանը»,- ասել էր Թրամփի բանագնացը։
