23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
Ընտրական բարեփոխումների հանրային քննարկում
Քաղաքականություն
08.10.2018 | 18:35
ՀՀ վարչապետին առընթեր ընտրական օրենսդրության բարեփոխումների հանձնաժողովը հանրության դատին է ներկայացրել Ընտրական օրենսգրքի բարեփոխման հայեցակարգը, իսկ ապա նաև նախագիծը:
Ինչպես տեղեկացնում են ՀՀ կառավարությունից, նպատակ ունենալով լսելու և հաշվի առնելու հանրային կարծիքները՝ հանձնաժողովը կազմակերպում է բարեփոխումների քննարկում:
Քննարկումը տեղի է ունենալու հոկտեմբերի 9-ին (երեքշաբթի), ժամը 11:00-ին, Հայաստանի Հանրապետության կառավարության նիստերի դահլիճում (ք. Երևան, Հանրապետության հրապարակ, Կառավարական տուն 1, 5-րդ հարկ):
Քննարկմանը հրավիրվում են կուսակցությունների ու դիտորդական առաքելություն իրականացնող հասարակական կազմակերպությունների ներկայացուցիչներն ու զանգվածային լրատվության միջոցների ներկայացուցիչները:
Մասնակցության համար անհրաժեշտ է գրանցվել նախապես 055 468737 հեռախոսահամարով կամ [email protected] հասցեով` նշելով կազմակերպության անվանումը, ինչպես նաև ներկայացուցչի անուն/ազգանունը: Հանդիպմանը մասնակցելու համար պետք է գրանցվել դրանից 3 ժամ շուտ:
Հանդիպումն ամբողջությամբ բաց է լուսաբանման համար: Լրատվամիջոցները կարող են հավատարմագրվել մասնակիցների համար սահմանված կարգով:
