28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
ՖՄԿ գագաթնաժողովի բանաձևերից մեկում Արցախի մասին ձևակերպում կտեսնեք. Զոհրաբ Մնացականյան. ՏԵՍԱՆՅՈՒԹ
Քաղաքականություն
08.10.2018 | 18:58
Արտաքին գործերի նախարար Զոհրաբ Մնացականյանը հպարտությամբ է նշում, որ անկախ ներքաղաքական զարգացումներից և իշխանափոխությունից, միևնույնն է՝ դրսևորվել է կամք ՝լավագույնս կազմակերպել ֆրանկոֆոնիայի գագաթաժողովը։
«Մեր պետության կարողություններն ի ցուց են դրվում այսօր, սա առաջին օրն է, սակայն դեռևս չորս օր ունենք, և ես վստահ եմ, որ այս ամենը ցույց տվեց, որ հաջորդիվ միջոցառումները, օրինակ, Օլիպիական խաղերը կամ ՄԱԿ-ի ԳԱ նիստերից մեկը,(կատակ եմ անում իհարկե) կարող ենք կազմակերպել բարձր մակարդակով»,- այս մասին այսօր գագաթաժողովից հետո լրագրողների հետ ճեպազրույցում ասաց նախարարը։
Դիտարկմանը, որ այս գագաթաժողովին չի մասնակցում Ադրբեջանը՝ արդյոք ՀՀ-ն կօգտագործի այս հարթակն աֆրիկյան երկրներին ՀՀ-ն լավագույնս ներկայացնելու դիվանագիտական հարաբերություններ հաստատելու համար, Զոհրաբ Մնացականյանը նշեց, որ այս գագաթաժողովի շրջանակում արդեն իսկ ձևավորվել են հարաբերություններ և համագործակցության ձևաչափ աֆրիկյան երկրներում լավագույնս դրսևորվերու համար։
Հարցին Ղարաբաղյան հակամարտության հարցն արդյոք ընդգրկվելու է Ֆրանկոֆոնիայի գագաթաժողովի օրակարգում, Զոհրաբ Մնացականյանը պատասխանեց․ «Կա վեց բանաձև, որից մեկը վերաբերում է նման քաղաքական հարցերին՝ այդ թվում՝ Ղարաբաղյան համակարտությանը»։
ՀՀ արտաքին գործերի նախարարը նաև նշեց, որ Հայաստանը հանդես կգա այնպիսի նախաձեռնությամբ, որ որոշակիորեն միս ու արյուն տա նոր գաղափարների, գագաթաժողովի տնտեսական բաղադրիչին՝ ներկայացնելով նոր պրոդուկտներ, որոնք հնարավոր է կյանքի կոչել արդեն կոնկրետ համագործակցության պարագայում։
Մանրամասները՝ տեսանյութում:
