06.10.2026 | 23:14
Դեսպան Մկրտչյանը Վաշինգտոնում հյուրընկալել է Նոբելյան մրցանակի դափնեկիր Քայլաշ Սաթյարթիին
Մոսկվա մեկնող Սերբիայի նախագահի ինքնաթիռն արտակարգ վայրէջք է կատարել Բաքվում
Քաղաքականություն
07.05.2025 | 17:13
Մոսկվա ուղևորվող Սերբիայի նախագահ Ալեքսանդր Վուչիչի ինքնաթիռը հարկադիր վայրէջք է կատարել Բաքվում։ Այս մասին հայտնում են ադրբեջանական լրատվամիջոցները։ Ըստ տեղեկությունների՝ արտակարգ վայրէջքի պատճառը Ուկրաինայում պատերազմն ու Ռուսաստանի օդային տարածքում ռազմական գործողություններն են։
Միաժամանակ, ՏԱՍՍ-ը, իր աղբյուրին վկայակոչելով, հայտնում է, որ Սերբիայի նախագահի ինքնաթիռը պլանային վայրէջք է կատարել Բաքվի օդանավակայանում՝ վառելիքով լիցքավորվելու համար։
«Բաքվում վայրէջքը պլանավորված էր։ Այն անհրաժեշտ էր ինքնաթիռը վառելիքով լիցքավորելու համար»,- գրում է լրատվամիջոցը։
Հաղորդվում է, որ Վուչիչի ինքնաթիռը Բաքվից արդեն մեկնել է Մոսկվա։ Սերբիայի նախագահը Ռուսաստանի մայրաքաղաք է մեկնել՝ մասնակցելու մայիսի 9-ին Կարմիր հրապարակում կայանալիք Հաղթանակի 80-ամյակին նվիրված զորահանդեսին։
Ավելի վաղ տեղեկություններ էին տարածվել, որ Լատվիայի և Լիտվայի իշխանությունները թույլ չեն տվել, որ Սերբիայի նախագահի ինքնաթիռն անցնի իրենց երկրների օդային տարածքով։ Ըստ լրատվամիջոցների՝ Լատվիայի իշխանությունները արգելքը բացատրել են «թռիչքի նպատակի քաղաքական զգայունությամբ», մինչդեռ Լիտվան հրաժարվել է «տեխնիկական և դիվանագիտական զգայունության» պատճառով։
Թարգմանությունը՝ Էմմա Չոբանյանի
