12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
10 ամսից պատրաստ կլինի Սահմանադրության նոր տեքստը․ Սրբուհի Գալյան
Քաղաքականություն
07.05.2025 | 15:55
Նոր Սահմանադրության տեքստը մշակման փուլում է, առաջիկայում խորհրդի անդամների հետ կքննարկենք տեքստի պատրաստումը։ ԱԺ-ում լրագրողների հետ զրույցում այս մասին ասաց ՀՀ արդարադատության նախարար Սրբուհի Գալյանը։
«Սահմանադրության նոր տեքստը մշակման փուլում է և պատրաստ կլինի 10 ամսից»,- ասաց նախարարը։
Հարցին՝ հնարավո՞ր է, որ Անկախության հռչակագիրը Սահմանադրության նոր տեքստից դուրս մնա, Գալյանը պատասխանեց. «Մենք տարբեր տարբերակներ ենք քննարկում, բայց տեքստը դեռևս մշակման փուլում է։ Հայեցակարգը մեկն է, այդ հայեցակարգի շրջանակներում տարբեր նորմերի հետ կապված կան տարբեր քննարկումներ։ Երբ տեքստը որոշակի լինի՝ կկիսվենք ձեզ հետ»։
Նա ասաց, թե ընդդիմության ներկայացուցիչները չեն մասնակցում քննարկումներին։
Հիշեցնենք՝ Factor TV-ն գրել էր, որ սահմանադրական փոփոխությունների մասնագիտական հանձնաժողովի անդամների աշխատավարձի համար պետական բյուջեից հատկացվել է շուրջ 60 մլն դրամ։ Նախարարից այսօր հետաքրքրվեցինք՝ արդյո՞ք այժմ ակտուալ է այդ հանձնաժողովի պատրաստած հայեցակարգը։ Գալյանը վստահեցրեց, որ որոշ հատվածներ օգտագործվելու են։
Նարեկ Կիրակոսյան
