24.05.2026 | 20:13
Առգրավել են Սամվել Շահրամանյանի հեռախոսը․ փաստաբան
ՌԴ-ն ձգձգում է AZAL-ի ինքնաթիռի վթարի հետաքննությունը, չի պատասխանում Ադրբեջանի հարցումներին
Քաղաքականություն
06.05.2025 | 16:10
Ղազախստանի Ակտաու օդանավակայանի մոտ Բաքու-Գրոզնի չվերթն իրականացնող «Ադրբեջանական ավիաուղիների» (AZAL) ինքնաթիռի վթարից 5 ամիս է անցել, սակայն Ռուսաստանը հետաքննության ընթացքի վերաբերյալ որևէ կոնկրետ տեղեկատվություն չի տրամադրել, գրում է ադրբեջանական APA-ն։
Նշվում է, որ «այս 5 ամիսների ընթացքում Ռուսաստանի կողմից քննչական գործողություն չի իրականացվում, վթարի համար մեղավոր և պատասխանատու անձանցից ոչ ոք չի կալանավորվել»։
Ըստ ադրբեջանական աղբյուրների՝ վերջերս Ադրբեջանի և Ռուսաստանի իրավապահ մարմինների միջև այս հարցով հերթական նամակագրությունն է տեղի ունեցել, սակայն արդյունք չկա, Բաքուն ռուսական կողմից սպասում է կոնկրետ քայլերի:
Հիշեցնենք, որ 2024 թվականի դեկտեմբերի 25-ին Բաքվից Գրոզնի թռչող օդանավը վթարի էր ենթարկվել Ղազախստանի Ակտաու քաղաքի մոտ: Ռուսական կողմը հայտարարել է ինքնաթիռի վթարի փաստով քննչական խմբի ձևավորման մասին:
APA-ն նշում է, որ հետաքննության արդյունքների վերաբերյալ տեղեկատվություն չկա:
