17.07.2026 | 10:03
Արտարժույթների փոխարժեքները՝ հուլիսի 17-ի դրությամբ
Երեխաներին գիշերը ահաբեկելը, որակում ենք որպես ստոր, նենգ ու լկտի քայլ․ Թորոսյանը՝ Ստեփանյանի մեքենայի հրկիզման մասին
Հասարակություն
06.05.2025 | 13:30
Երևանի ավագանու «Ազգային առաջընթաց» խմբակցության ղեկավար Արամ Թորոսյանն անդրադարձել է ավագանու «Մայր Հայաստան» խմբակցության անդամ Գևորգ Ստեփանյանի ընտանիքին պատկանող ավտոմեքենայի հրկիզման դեպքին:
«Խստորեն դատապարտում ենք Երևանի ավագանու անդամ Գևորգ Ստեփանյանի և իր ընտանիքի դեմ կատարվածը, այն է՝ գիշերային ժամին տան դիմացը կայանած իրենց մեքենան այրելը:
Գևորգ Ստեփանյանի և ՀՀ որևիցե քաղաքացու դեմ նման քայլեր անելը, հատկապես երեխաներին գիշերը ահաբեկելը, որակում ենք որպես ստոր, նենգ ու լկտի քայլ և ակնկալում, որ գործը ՀՀ իրավապահ մարմինների կողմից (հարկ եղած դեպքում ԱԱԾ մասնակցությամբ) կբացահայտվի առավելագույնս կարճ ժամկետներում:
Մեղավորները պետք անպայման պատժվեն օրենքի ամբողջ խստությամբ», – գրել է Թորոսյանը:
«Մայր Հայաստան» խմբակցության անդամ Գևորգ Ստեփանյանի ընտանիքին պատկանող ավտոմեքենայի հրկիզման դեպքին գրառմամբ անդրադարձել էր նաև Երևանի ավագանու «Քաղաքացիական պայմանագիր» խմբակցության ղեկավար Արմեն Գալջյանը։
Նշենք, որ Գևորգ Ստեփանյանը Factor.am-ի հետ զրույցում համոզմունք էր հայտնել, թե իշխանության ներկայացուցիչներն են իր մեքենան այրելու փորձ արել:
