16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Աջակցելով Հայաստանին՝ մենք աջակցում ենք ժողովրդավարական մի երկրի, որ կիսում է մեր արժեքները․ ՀՀ-ում Ֆրանսիայի դեսպան
Քաղաքականություն
05.05.2025 | 15:25
«Լրագրողներ առանց սահմանների» կազմակերպության 2025 թ. մամուլի ազատության համաշխարհային սանդղակում Հայաստանը 180 երկրների շարքում զբաղեցնում է 34-րդ տեղը՝ շարունակելով առաջընթացը և հաստատվելով որպես ազատության կղզյակ տարածաշրջանում․ X-ի իր միկրոբլոգում գրել է ՀՀ-ում Ֆրանսիայի դեսպան Օլիվյե Դըկոնտինյին։
«Աջակցելով Հայաստանին՝ մենք աջակցում ենք ժողովրդավարական մի երկրի, որ կիսում է մեր արժեքները»,- գրել է դեսպանը։
Ավելի վաղ տեղեկացրել էինք, որ ըստ «Լրագրողներ առանց սահմանների» (RSF) կազմակերպության՝ 2025 թվականի Մամուլի ազատության համաշխարհային ինդեքսում Հայաստանը 9 տեղով բարելավել է նախորդ տարվա ցուցանիշը։ 180 երկրների շարքում Հայաստանը զբաղեցրել է 34-րդ հորիզանականը 73,96 միավորով։ 2024 թվականին Հայաստանը 71,6 միավորով զբաղեցրել էր 43-րդ հորիզանականը, իսկ 2023-ին 70,61 միավորով 49-րդ տեղում էր։
