08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Թրամփը հրահանգել է 100% մաքսատուրքեր սահմանել արտասահմանյան ֆիլմերի համար
Քաղաքականություն
05.05.2025 | 12:27
ԱՄՆ նախագահ Դոնալդ Թրամփը հայտարարել է, որ մտադիր է փրկել ամերիկյան կինոարդյունաբերությունը՝ 100 տոկոս մաքսատուրք սահմանելով արտասահմանյան ֆիլմերի վրա։
«Ամերիկայում կինոարդյունաբերությունը շատ արագ մահանում է։ Այլ երկրներ առաջարկում են տարատեսակ խթաններ՝ մեր կինոգործիչներին և ստուդիաներին Միացյալ Նահանգներից հեռացնելու համար։ Հոլիվուդը և ԱՄՆ-ի շատ այլ տարածքներ ավերվում են։ Սա այլ ազգերի կողմից համակարգված ջանք է, հետևաբար, ազգային անվտանգության սպառնալիք»,- գրել է ԱՄՆ նախագահը Truth Social-ում։
Նա նշել է, որ ԱՄՆ առևտրային ներկայացուցչին լիազորում է անհապաղ սկսել երկիր մտնող և արտասահմանում արտադրված բոլոր ֆիլմերի վրա 100% մաքսատուրք սահմանելու գործընթաց։
Հիշեցնենք, որ ավելի վաղ Թրամփը 145% մաքսատուրքեր էր սահմանել Չինաստանից ապրանքների ներմուծման վրա։ Չինաստանը պատասխանել է ամերիկյան ապրանքների վրա 125 տոկոս մաքսատուրքեր սահմանելով։ Այլ երկրների նկատմամբ Թրամփը ևս տարբեր մաքսատուրքեր էր սահմանել, ապա ապրիլին բարձրացումը կասեցրել 90 օրով՝ 10 տոկոսի մաքսատուրքեր թողնելով։
Թարգմանությունը՝ Էմմա Չոբանյանի
