08.10.2026 | 13:28
«Շուռա, որքա՞ն է Ձեզ պետք երջանիկ լինելու համար». լրագրողը միացրեց Փաշինյանի նախկին ելույթը․ ՏԵՍԱՆՅՈՒԹ
Բռնակցված Խերսոնի «նահանգապետը» հայտարարել է ուկրաինական ԱԹՍ-ների հարվածի հետևանքով 7 զոհի մասին
Քաղաքականություն
01.05.2025 | 15:43
Ուկրաինական անօդաչու թռչող սարքերը հարձակվել են Խերսոնի շրջանի Օլեշկի քաղաքի վրա։ Այս մասին հայտարարել է ուկրաինական բռնակցված շրջանի «նահանգապետ» Վլադիմիր Սալդոն, փոխանցում է Meduza-ն:
Նրա խոսքով՝ հարձակումը տեղի է ունեցել մայիսի 1-ի առավոտյան։ Հարված է հասցվել քաղաքային շուկային, որտեղ, ըստ Սալդոյի, այդ պահին շատ մարդիկ են եղել։ Նախնական տվյալներով՝ զոհվել է առնվազն 7 մարդ, ավելի քան 20-ը՝ վիրավորվել։
Դեպքի վայրում աշխատում են արտակարգ ծառայություններ։ Հարձակման հետևանքները պարզվում են։
Ուկրաինան դեռևս չի մեկնաբանել Օլեշկիի շուկայի վրա հարձակման մասին պնդումները։
Հիշեցնենք, որ ռուսական զորքերն էլ մայիսի լույս 1-ի գիշերը «Շահեդ» ԱԹՍ-ներով զանգվածային հարված էին հասցրել Օդեսային, որի հետևանքով զոհեր և վիրավորներ կան։
Թարգմանությունը՝ Էմմա Չոբանյանի
