24.06.2026 | 22:56
Կամավոր հանձնվել է մեծ քանակի զենք-զինամթերք
Factor TV-ի հետաքննությունը քրեական վարույթ նախաձեռնելու հիմք է դարձել
Հասարակություն
29.04.2025 | 16:06
ՀՀ գլխավոր դատախազությունը քրեական վարույթ է նախաձեռնել Factor TV-ի «Նոր մենաշնորհ՝ Փաշինյանի որոշմամբ․ ում գրպանն են հոսում QR դրոշմավորման միլիարդները» հետաքննության հիման վրա։ Այս մասին Factor TV-ին հայտնել են Գլխավոր դատախազության հանրային կապերի բաժնից։
Քրեական վարույթը նախաձեռնվել է 2025 թվականի ապրիլի 1-ին՝ Քրեական օրենսգրքի միաժամանակ 2 հոդվածներով՝ Պաշտոնեական լիազորությունները չարաշահելը, որ անզգուշությամբ առաջացրել է ծանր հետևանքներ (2003 թվականին ընդունված Քր․օր-ի 308-րդ հոդվածի 2-րդ մաս) և Հակամրցակցային գործունեությունը, որ առանձնապես խոշոր չափերի գույքային վնաս է պատճառել (գործող Քրեական օրենսգրքի 284-րդ հոդվածի 3-րդ մասի 3-րդ կետ)։
«Նոր մենաշնորհ՝ Փաշինյանի որոշմամբ․ ում գրպանն են հոսում QR դրոշմավորման միլիարդները» հետաքննությամբ Factor TV-ն անդրադարձել է 44-օրյա պատերազմի 4-րդ օրը Հայաստանի վարչապետ Նիկոլ Փաշինյանի ընդունած որոշմամբ երկրում փաստացի ստեղծված նոր մենաշնորհին, որի արդյունքում ՊԵԿ նախկին փոխնախագահ Միքայել Փաշայանի ընկերությունը դարձել է ապրանքների դրոշմավորման ազգային օպերատոր և ստացել միլիարդների շահույթ։
Գայանե Խաչատրյան
