25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Մանրամասներ ավտոբուսի վարորդի դանակահարությունից
Հասարակություն
23.04.2025 | 15:00
Ավտոբուսի դանակահարված վարորդի վիճակը բավարար է։ Այս մասին Factor.am-ի հարցին ի պատասխան հայտնեց ԵՊԲՀ աշխատակազմի ղեկավար Շուշան Դանիելյանը։
Նշենք, որ քիչ առաջ «Երևանի ավտոբուս» ՓԲԸ-ի խոսնակը ֆեյսբուքում գրել էր, որ այսօր միջադեպ է տեղի ունեցել թիվ 38 երթուղին սպասարկող վարորդի և մեկ այլ տրանսպորտային միջոցի վարորդի միջև։
«Տիգրան Մեծի պողոտայում ծագած վեճի ընթացքում տրանսպորտային միջոցներից մեկի վարորդը դանակահարել է 38 երթուղին սպասարկող հանրային տրանսպորտի վարորդին: «Երևանի ավտոբուս»-ի վարորդը տեղափոխվել է թիվ 1 համալսարանական հիվանդանոց»,- գրել է Ասատրյանը։
ՆԳՆ մամուլի խոսնակ Նարեկ Սարգսյանն էլ Factor.am-ին փոխանցեց, որ դեպքի վերաբերյալ ահազանգ ստացել են։ Նախնական տեղեկություններով՝ վարորդն ուսի շրջանում է վնասվածք ստացել, հանգամանքները պարզվում են։
Արփի Հակոբյան
