05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Ռոբերտ Քոչարյանը և Սերժ Սարգսյանը չեն պնդել, որ Թուրքիան պետք է ճանաչի Ցեղասպանությունը․ Ալեքսանյան․ ՏԵՍԱՆՅՈՒԹ
Քաղաքականություն
22.04.2025 | 16:49
«Առաջնահերթություն նշանակում է հետևյալը․ երբ գնում ես օտարերկրյա պետության ներկայացուցչի հետ հանդիպման, առաջին բանը, որ խոսում ես, քո առաջնահերթությունն է։ Գնում ես, ասում ես՝ ճանաչեք Ցեղասպանությունը։ Հիմա, օրինակ, մենք գնում, հանդիպում ենք Ֆրանսիայի հետ, մեր առաջնահերթությունը հետևյալն է՝ մեզ ի՞նչ զենք կծախեք, հարգելի՛ ֆրանսիացի գործընկերներ, հետո, երբ գնում ենք Հնդկաստանի հետ հանդիպման, էլի ասում ենք՝ մեզ ի՞նչ զենք կծախեք»,- ԱԺ-ում լրագրողների հետ ճեպազրույցում ասաց ՔՊ պատգամավոր Վահագն Ալեքսանյանը՝ մեկնաբանելով այն հայտարարությունը, որ Հայոց ցեղասպանության միջազգային ճանաչումն արտաքին քաղաքականության առաջնահերթություն չէ։
Ալեքսանյանի խոսքով՝ ո՛չ Ռոբերտ Քոչարյանը, ո՛չ Սերժ Սարգսյանը երբևէ չեն պնդել, որ Թուրքիան պետք է ճանաչի Հայոց ցեղասպանությունը, նոր լինի հարաբերությունների կարգավորում։
Իշխանական պատգամավորն ասաց՝ նրանք պնդել են, որ պետք է լինի հարաբերությունների կարգավորում՝ առանց նախապայմանների։
Մանրամասները՝ տեսանյութում։
