22.06.2026 | 04:06
ԱԱ-2026. Ուրուգվայ – Կաբո Վերդե` 2:2. ՏԵՍԱՆՅՈՒԹ
Գիշերը Ադրբեջանի ԶՈՒ-ն կրակ է բացել Խոզնավարի ուղղությամբ․ վնասվել է տներից մեկի տանիքում տեղադրված արևային ջրատաքացուցիչը․ ՀՀ ՊՆ
Քաղաքականություն
21.04.2025 | 14:35
Ապրիլի 20-ին՝ ժամը 02:30-ի սահմաններում, Ադրբեջանի ԶՈՒ ստորաբաժանումները կրակ են բացել Սյունիքի մարզի Խոզնավար բնակավայրի ուղղությամբ, ինչի հետևանքով վնասվել է գյուղի բնակելի տներից մեկի տանիքում տեղադրված արևային ջրատաքացուցիչը․ տեղեկացնում են ՀՀ ՊՆ-ից։
Տուժածներ չկան:
Ադրբեջանական կողմին կոչ ենք անում հետաքննել Խոզնավարի բնակելի տան գնդակոծման փաստը և հանդես գալ հրապարակային պարզաբանումներով։
Հիշեցնենք, որ Հայաստանի Հանրապետության վարչապետի աշխատակազմն առաջարկել է հրադադարի ռեժիմի խախտման դեպքերի և/կամ այդ մասին տեղեկությունների հետաքննության Հայաստան-Ադրբեջան համատեղ մեխանիզմ ստեղծել, ինչին մինչև օրս Ադրբեջանը չի արձագանքել։
Ավելի վաղ Factor TV-ն հայտնել էր՝ առավոտից տեղեկություններ են տարածվում, որ այս գիշեր մոտ մեկ ժամ անդադար կրակոցներ են լսվել Սյունիքի մարզի Խնածախ գյուղում։ Տեղի համայնքապետ Դավիթ Ղուլունցը մեր հարցին ուղիղ չէր պատասխանել՝ կրակոցներ եղե՞լ են գյուղի ուղղությամբ. «Ես բան չեմ ասում, եկեք ինքներդ մեկ օր մնացեք ու կտեսնեք, միայն զանգել հարցնելով չի»։
