09.10.2026 | 14:33
Վաղվանից ուժի մեջ կմտնեն Հայաստանի համար ԵՄ առևտրային արտոնությունները
Հայոց ցեղասպանության 110-րդ տարելիցին նվիրված ինչ ցուցադրություններ կլինեն ՀՀ-ում և արտասահմանում․ ՏԵՍԱՆՅՈՒԹ
Տեսանյութեր
21.04.2025 | 12:09
Հայոց ցեղասպանության 110-րդ տարելիցին նվիրված գիտական և մշակութային մի շարք միջոցառումներ են նախատեսված Հայաստանում և արտասահմանում։ Ապրիլի 23-ին նախատեսվում է «Փաստագրելով հանցագործություն․ Հայոց ցեղասպանության ականատես վավերագրողները» խորագրով ժամանակավոր ցուցահանդեսի բացումը։
«Իր ծավալով, խորությամբ ու բնույթով ցուցադրությունը եզակի է լինելու և՛ մակերեսի առումով, և՛ նյութի։ Անդրադառնալու ենք բոլոր այն մարդկանց՝ դիվանագետներ, միսիոներներ, լրագրողները, որոնք Օսմանյան կայսրությունում էին Հայոց ցեղասպանության տարիներին, և հուշերի, լրագրողական հետաքննությունների, վիդեոնյութերի և լուսանկարների միջոցով փաստագրում էին հանցագործությունը։ Այստեղ հանցագործություն բառը հատուկ շեշտել ենք ցույց տալու համար, որ չնայած 1915-1923 թվականներին չկար ցեղասպանություն բառը, բայց կարդալով վավերագրողների նյութերը, հստակ բառամթերքը ցույց է տալիս, որ բոլորը խոսում են մի ամբողջ ազգի բնաջնջման մասին»,- ասուլիսի ժամանակ ասաց Ցեղասպանության թանգարան-ինստիտուտի տնօրեն Էդիտա Գզոյան։
Թանգարան-ինստիտուտը Հայոց ցեղասպանության 110-րդ տարելիցին նվիրված ցուցադրություն է ունեցել Բուխարեստում, ապրիլի 23-ին և 24-ին ցուցադրություններ են նախատեսվում Մոսկվայում և Սանկտ Պետերբուրգում։ Տարելիցին նվիրված ցուցադրությունների պաշտոնական բացումներ են սպասվում նաև Լեհաստանում և եվրոպական այլ երկրներում։
Մանրամասները՝ տեսանյութում։
