Վրաստանն ազատ է արձակել Թբիլիսիում բանտարկված, Ալիևի կողմից հետապնդվող ադրբեջանցի ընդդիմադիր լրագրողին

Լուրեր

21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
Բոլորը

Վրաստանում բանտարկված ադրբեջանցի ընդդիմադիր  լրագրող Աֆղան Սադիգովն ազատ է արձակվել։ Ադրբեջանական լրատվամիջոցների հաղորդմամբ՝ Թբիլիսիի դատարանը բավարարել է դատախազության միջնորդությունը և Սադիգովի նկատմամբ կիրառված արտահանձնման կալանքը փոխարինել գրավով։

«Վրաստանը կատարել է Մարդու իրավունքների եվրոպական դատարանի որոշումը։ Ես վստահությամբ եմ ասում, որ մոտ ապագայում մենք անպայման կարդարացվենք այս շինծու քրեական գործից»,- հայտարարել է Սադիգովի կինը՝ Սևինջ Սադիգովան։

Վրաստանի օրենսդրության համաձայն՝ արտահանձնման նպատակով կալանքի առավելագույն ժամկետն 9 ամիս է։ Աֆղան Սադիգովի համար այս ժամկետը պետք է լրանար 2025 թվականի մայիսի 3-ին, այդ պատճառով Վրաստանի Դատախազությունը ստիպված էր դիմել դատարան՝ փոխելու արտահանձնման միջոցը։

Վրաստանի Սոցիալական արդարադատության իրավապաշտպան կենտրոնը միջնորդություն է ներկայացրել Սադիգովին ազատ արձակելու համար՝ առանց որևէ պարտավորության, սակայն դատարանը համաձայնվել է նրան ազատ արձակել միայն հինգ հազար լարի (1820 դոլար) գրավի դիմաց։

Թբիլիսիի քաղաքային դատարանն իր որոշումը հիմնավորել է ՄԻԵԴ-ի փետրվարի 27-ի որոշմամբ, որն արգելում է լրագրողին արտահանձնել Ադրբեջանին՝ մինչև ՄԻԵԴ-ի կողմից նրա գործի էության վերաբերյալ որոշում կայացնելը։

2025 թվականի հունվարի 31-ին Թբիլիսիի քաղաքային դատարանը Սադիգովի կալանքը երկարաձգել էր  3 ամսով։ Փետրվարի 2-ին էլ Azel.TV կայքի ղեկավար Աֆղան Սադիգովը փետրվարի 2-ից չոր հացադուլ է հայտարարել։

Հիշեցնենք, որ Աֆղան Սադիգովը և նրա ընտանիքը Վրաստան են ժամանել 2023 թվականի դեկտեմբերին՝ վախենալով Ադրբեջանի  իշխանությունների և երկրի ղեկավար Իլհամ Ալիևի հետապնդումներից։ Անցյալ տարվա հուլիսին նրան թույլ չէին տվել Վրաստանից մեկնել Թուրքիա՝ ասելով, որ կարող է վերադառնալ միայն Ադրբեջան։ Օգոստոսին լրագրողը ձերբակալվել էր Ադրբեջանի պահանջով։ Բաքվում նրան մեղադրում են շորթման մեջ և արտահանձնում պահանջում։

2024 թվականի նոյեմբերի 28-ին Թբիլիսիի քաղաքային դատարանն Աֆղան Սադիգովին Ադրբեջանին արտահանձնելու որոշում էր կայացրել։ Հունվարի 15-ին Թբիլիսիի վերաքննիչ դատարանը մերժել էր լրագրողի բողոքը։ Սադիգովն անցյալ տարվա սեպտեմբերի 21-ից հացադուլ էր հայտարարել՝ բողոքելով իր ձերբակալության և ապաստան չտրամադրելու դեմ։

Հոկտեմբերի 8-ին հացադուլի արդյունքում նրա ինքնազգացողությունը վատացել էր, նրան տեղափոխել էին բանտային հիվանդանոց։ Վրաստանի իշխանությունները հրաժարվել էին Սադիգովին քաղաքական ապաստան տրամադրել։ Վրացական կողմն իր մերժումը բացատրել էր նրա դեմ հարուցված գործում «քաղաքական դրդապատճառների բացակայությամբ»։ Սադիգովի արտահանձնման համապատասխան հարցումն Ադրբեջանի Գլխավոր դատախազությունից վրացական կողմը ստացել է հուլիսին։ Դրանում ասվում է, որ մայիսի 10-ին Սադիգովի դեմ քրեական գործ է հարուցվել շորթման մեղադրանքով։ Դատարանի որոշմամբ՝ նրա նկատմամբ հայտարարվել է հետախուզում։

Թարգմանությունը՝ Էմմա Չոբանյանի