15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
ԱՄՆ-ից Կոստա Ռիկա է արտաքսվել 17 ՀՀ քաղաքացի, որոնցից 2-ը վերադարձել է․ ԱԳՆ
Քաղաքականություն
17.04.2025 | 12:56
«ԱՄՆ-ից Կոստա Ռիկա արտաքսված երրորդ երկրների քաղաքացիների թվում, ըստ ԱԳՆ ստացված տվյալների, եղել է 17 ՀՀ քաղաքացի, որոնցից 2-ը վերադարձել են Հայաստան»,- Factor.am-ի գրավոր հարցմանն ի պատասխան տեղեկացրել են Արտաքին գործերի նախարարությունից։
Գերատեսչության փոխանցմամբ՝ գործընթացն իրականացվել է ԱՄՆ-ում, Կոստա Ռիկայում և ՀՀ-ում Միգրացիայի միջազգային կազմակերպության գրասենյակների սերտ համագործակցությամբ և համակարգմամբ։
«Կոստա Ռիկայի պատկան մարմիններից ստացված տեղեկատվության համաձայն՝ բոլոր ներգաղթյալներին տրամադրվում է համապարփակ աջակցություն։ Ներգաղթյալները գտնվում են անվտանգության և իրավական պաշտպանության ներքո՝ միջազգային իրավունքին, մարդու իրավունքների նորմերին և Կոստա Ռիկայի օրենսդրությանը համապատասխան»,- ասված է ԱԳՆ-ի պատասխանում։
Արտգործնախարարությունից միաժամանակ հայտնել են, որ ելնելով միջազգային իրավունքի նորմերից և անձնական տվյալների պաշտպանության օրենսդրությունից՝ ներգաղթյալի վերաբերյալ որևէ տեղեկատվություն տվյալ անձի քաղաքացիության երկրին կարող է փոխանցվել միայն վերջինիս ցանկությամբ, ինչը վերոնշյալ դեպքերում բացակայել է։
Ավելի վաղ Factor.am-ը գրել էր, որ իպանալեզու լրատվամիջոցների հաղորդմամբ՝ Կոստա Ռիկան ընդունել է ԱՄՆ-ից արտաքսված միգրանտների երկու ինքնաթիռ, ընդհանուր առմամբ, 200 անձի Նեպալից, Չինաստանից, Ռուսաստանից, Հնդկաստանից, ինչպես նաև Հայաստանից։ Արտաքսումը տեղի էր ունեցել այս տարվա փետրվարին ԱՄՆ նախագահ Դոնալդ Թրամփի կողմից ներգաղթային կանոնների խստացումից հետո։
Մանյա Պողոսյան
