24.06.2026 | 07:58
ԱԱ-2026. Կոլումբիան հաղթեց ու նվաճեց փլեյ-օֆֆի ուղեգիր. ՏԵՍԱՆՅՈՒԹ
Ի՞նչ կրթական ծրագրերի է մասնակցել Նիկոլ Փաշինյանը 2018 թ-ից հետո. ՏԵՍԱՆՅՈՒԹ
Քաղաքականություն
15.04.2025 | 19:00
Գլխավոր նկարը գեներացվել է արհեստական բանականության ChatGPT գործիքի օգնությամբ։
Վարչապետ Նիկոլ Փաշինյանը հետզհետե ավելի անթաքույց է արտահայտում իր մտահոգությունը կառավարության անդամների, հանրության և իր իսկ կրթվելու անհրաժեշտության մասին։
2018 թ-ից մինչ օրս ի՞նչ կրթական ծրագրերի, ի՞նչ դասընթացների, ի՞նչ վերապատրաստումների է մասնակցել անձամբ Նիկոլ Փաշինյանը։
Factor TV-ն այս հարցերի պատասխանը փորձեց գրավոր հարցմամբ պարզել հենց վարչապետից։ Պարոն Փաշինյանին խնդրեցինք դասընթացները նշել առանձին-առանձին և առկայության դեպքում տրամադրել նաև ավարտական վկայականների պատճենը։ Նիկոլ Փաշինյանի փոխարեն մեր հարցադրումներին պատասխանել են վարչապետի աշխատակազմից․ «2018 թ-ից հետո ՀՀ վարչապետ Նիկոլ Փաշինյանը Հայաստանի ամերիկյան համալսարանում մասնակցել և ավարտել է անգլերենի կատարելագործման դասընթացներ։ Վարչապետը մշտապես առցանց եղանակով հետևում է դասախոսությունների և դասընթացների»։
Թե կոնկրետ ի՞նչ դասախոսությունների և դասընթացների է հետևել Նիկոլ Փաշինյանը, վարչապետի աշխատակազմից չեն հստակեցրել, ոչ էլ տրամադրել են ավարտական վկայականի որևէ պատճեն։ Իսկ Փաշինյանն իր ունկընդրած դասախոսությունների մասին հրապարակային չի խոսում։
«Ինձ ոչ մեկ չի ասել՝ պարո՛ն վարչապետ, կառավարությունում կամ վարչապետի աշխատակազմում սենց դասընթաց ա կազմակերպվում, կարո՞ղ ա Դուք հետաքրքրված եք։ Եթե ասեին, ես կգնայի, խելոք աշակերտի նման կնստեի, կլսեի՝ ինչ են ասում»,- ապրիլի 3-ի կառավարության նիստում ասել է Ն․ Փաշինյանը։
Ստացվում է՝ իր տիկնոջ՝ «Կրթությունը նորաձև է» արշավին ակտիվորեն մասնակցող Նիկոլ Փաշինյանը սեփական կրթության խնդիրները շղարշի ետևում է պահում և հանրությանը չի մանրամասնում՝ երբ և ինչ կրթական ծրագրերի է մասնակցել։
Գայանե Խաչատրյան
