16.11.2024 | 15:35
Վարչապետ Փաշինյանը շնորհավորել է Ռոբերտ Ամիրխանյանին ծննդյան 85-ամյակի կապակցությամբ
Կառավարությունը փոխում է «Կոնդի առանձնատների տնտեսություն» ՊՈԱԿ -ի մասին օրենքը
Քաղաքականություն
04.10.2018 | 12:23
Կառավարության հոկտեմբերի 4-ի նիստի չզեկուցվող հարցերից մեկով գործադիրը որոշեց փոփոխություն կատարել «Կոնդի առանձնատների տնտեսություն» ՊՈԱԿ ստեղծելու մասին օրենքում։
Առաջարկվող փոփոխություններով՝ «Հայաստանի Հանրապետության կառավարության աշխատակազմին» բառերը կփոխարինվեն «Վարչապետի աշխատակազմին» բառերով:
Նախագծի ընդունման անհրաժեշտությունը պայմանավորված է այն բանով, որ Բաղրամյան 24 և Բաղրամյան 26 վարչական շենքերի և հարող տարածքների սպասարկումն իրականացվելու է վարչապետի աշխատակազմի «Սպասարկում» պետական ոչ առևտրային կազմակերպության կողմից, ինչպես նաև հիմնադրի լիազորությունները վերապահել վարչապետի աշխատակազմին, ինչը պայմանավորված է ՀՀ վարչապետի 2018 թվականի մայիսի 10-ի «Վարչապետի աշխատակազմ ստեղծելու մասին» N 500-Ա որոշման ընդունմամբ:
Փոխվելու է նաև Բաղրամյան 24 և Բաղրամյան 26 վարչական շենքների և հարող տարածքների սպասարկման բնականոն ընթացքի ապահովումն իրականացնող հիմնադրի լիազորությունները:
Ըստ նոր խմբագրության՝«Կոնդի առանձնատների տնտեսություն» պետական ոչ առևտրային կազմակերպության գործունեության առարկան և հիմնական նպատակը Հայաստանի Հանրապետության բարձրաստիճան պաշտոնատար անձանց գերատեսչական առանձնատների սպասարկումն ու շահագործումն է:
