22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Աշխատանքային օրերը կտեղափոխվեն․ որոշման նախագիծը վաղը կքննարկվի Ազգային ժողովի արտահերթ նիստում․ ՏԵՍԱՆՅՈՒԹ
Քաղաքականություն
04.10.2018 | 11:56
Գործադիրի հոկտեմբերի 4-ի նիստում Կառավարությունն ընդունեց որոշման նախագիծ, որով առաջարկվում է փոփոխություն կատարել ՀՀ տոների մասին օրենքում, ըստ որի, առաջարկվում է կառավարությանը լիազորել ըստ անհրաժեշտության աշխատանքային օրերը տեղափոխել նաև չորս և ավելի պետությունների կամ կառավարությունների ղեկավարների միաժամանակյա այցի դեպքում:
Նախագծի ընդունման արդյունքում ակնկալվում է ստեղծել անհրաժեշտ իրավական հիմքեր օտարերկրյա պետությունների և կառավարությունների ղեկավարների այցի դեպքում վերջիններիս անվտանգությունը և տեղաշարժը բարձր մակարդակով կազմակերպելու համար՝ միաժամանակ նվազեցնելով քաղաքացիներին պատճառվելիք անհարմարությունները:
Վարչապետը հետաքրքրվեց՝ ինչո՞վ է պայմանավորված հատկապես որոշման նախագծում շեշտված 4 և ավելի պետությունների ղեկավարների միաժամանակյա այցի ընդգծումը, որպեսզի չստացվի, որ օրինակ վեց երկրի ղեկավարի այցելության դեպքում անհրաժեշտ լինի նորից օրենքում փոփոխություն և լրացում կատարել։
Վարչապետը նշեց, որ Կառավարությունը պետք է այնպիսի ձևակերպում տա, որ ամեն դեպքի համար առանձին փոփոխության անհրաժեշտության կարիք չլինի, հետևաբար նպատակահարմար կլիներ ընդգծել բացառիկ դեպքեր ձևակերպումը։
Մանրամասները՝ տեսանյութում։
