30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Քասախ համայնքի բնակիչները դարձյալ փակել են Երևան-Աշտարակ ավտոճանապարհը
Հասարակություն
10.04.2025 | 10:30
Կոտայքի մարզի Քասախ համայնքի բնակիչները վաղ առավոտից փակել են Երևան- Աշտարակ մայրուղին։ Նրանք պահանջում են, որ որպեսզի չհանվի ավտոբուսային համար 59 երթուղին։
«Մեր պահանջը ձևակերպվել է գրավոր և փոխանցվել է տարբեր մարմինների: Այս պահին մենք սպասում ենք այդ պահանջի կատարմանը կամ նրանց արձագանքին։ Պատկան մարմիններից խնդրում ենք ուղղակի չգնալ ծայրահեղ քայլերի, մենք պատրաստ ենք բոլոր խելամիտ որոշումները քննարկելու։ Հակառակ պարագայում մեր քայլերը լինելու են հաջորդական և ավելի բարդ ու ավելի ծանր։ Քասախ համայնքում երկու տարի և շարունակ գործել է համար 59 ավտոբուսը։ Մեր պահանջը այդ ավտոբուսի շահագործումը շարունակելն է»,- հայտարարեց բողոքի ակցիա մասնակից Քասախի բնակիչը։
Հիշեցնենք, որ երեկ Պռոշյան և Քասախ համայնքի բնակիչները կառավարությունում հանդիպել էին պատկան մարմինների ներկայացուցիչների հետ։ Հանդիպման արդյունքում Պռոշյանի տրանսպորտի հարցը մասամբ լուծվել է՝ համար 25 երթուղին շրջադարձ կանի ՊՆ նախկին շենքի մոտից, իսկ Քասախը սպասարկող համար 59 երթուղին հանվում է։ Հիշեցնենք, որ մարտի 5-ից Պռոշյանի և Քասախի բնակիչները պարբերաբար փակում են Երևան-Աշտարակ ճանապարհը՝ պահանջելով լուծել տրանսպորտի հարցը։
