19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Պռոշյանի տրանսպորտի հարցը մասամբ լուծվել է, իսկ Քասախի տրանսպորտը հանվում է․ բնակիչ
Հասարակություն
09.04.2025 | 19:41
Կոտայքի մարզի Պռոշյան համայնքի տրանսպորտի հարցը մասամբ լուծվել է, իսկ Քասախի հարցը չի լուծվել, այս մասին Factor.am-ին հայտնեց Պռոշյանի բնակիչ Սերգո Մուրադյանը՝ ներկայացնելով կառավարության ներկայացուցիչների հետ հանդիպման արդյունքները։
«25 համարի երթուղու հարցը մասամբ լուծվեց, երթուղին պետք է շրջադարձ կատարի ՊՆ շենքի մոտից։ Սակայն մենք խնդրել ենք, որ ավտոբուսը շրջադարձ կատարի Պռոշյանի մուտքի մոտ՝ նախատեսված վայրից մոտ 300 մետր վերև, քանի որ երեխաների և ծերերի համար դժվար է այդ 300 մետրը տեղափոխվելը։ Կառավարությունում խոստացան քննարկել և լուծել։ Եթե այդ հարցը վերանայեն, կնշանակի, որ մեր խնդիրը ամբողջությամբ լուծվեց »,- մանրամասնեց մեր զրուցակիցը։
Նա, սակայն, տեղեկացրեց, որ բանակցությունները հօգուտ քասախցիների չեն լուծվել Քասախ համայնքի դեպքում, և այն սպասարկող 59 համարի երթուղին հանվում է։
Պռոշյանի բնակիչը նշեց, որ երկու համայնքները կսպասարկեն նաև «Մուլտի տրանսպորտ» ընկերության միկրոավտոբուսները, որոնցից օգտվելու դեպքում վճարը կլինի 200 դրամ։
Հիշեցնենք՝ երեկ Երևան-Աշտարակ ճանապարհը շուրջ 2 ժամ փակ պահելուց հետո Պռոշյան և Քասախ համայնքների բնակիչները այն բացեցին՝ պայմանով, որ այսօր իրենց կառավարությունում ընդունելու են։
Մարտի 5-ին ևս Պռոշյան և Քասախ համայնքների բնակիչները մի քանի ժամ շարունակ փակել էին Երևան-Աշտարակ ճանապարհը։
Մանյա Պողոսյան
