31.08.2026 | 17:59
«Կրասնոդարի» ֆուտբոլիստ. «Սպերցյանն ավելի մեծ օգուտ է տալիս «Ալ Ահլիին», քան Ռոնալդուն՝ «Ալ Նասրին»»
Իրանի տարածքով Ադրբեջանը Նախիջևանին կապող էլեկտրահաղորդման գիծ կկառուցվի
Քաղաքականություն
09.04.2025 | 22:59
Բաքուն և Թեհրանը համաձայնության են եկել Ադրբեջանը Նախիջանին միացնող էլեկտրահաղորդման գծի կառուցման հարցում։ Ադրբեջանական լրատվամիջոցների հաղորդմամբ՝ այս մասին հայտարարվել է Ադրբեջանի փոխվարչապետ, Ադրբեջանի և Իրանի միջև տնտեսական, առևտրի և հումանիտար ոլորտներում համագործակցության պետական հանձնաժողովի համանախագահ Շահին Մուստաֆաևի ու Իրանի ճանապարհների և քաղաքաշինության նախարար, հանձնաժողովի իրանցի համանախագահ Ֆարզանա Սադեղիի ընդլայնված կազմով հանդիպմանը։
Վստահություն է հայտնվել, որ էլեկտրահաղորդման գծի կառուցումը ոչ միայն կծառայի էներգետիկ անվտանգության ապահովմանը, այլև մեծ ներդրում կունենա էլեկտրաէներգիայի ոլորտում երկու երկրների միջև համագործակցության ամրապնդման գործում։
Հիշեցնենք, որ իրանցի պաշտոնյան հանդիպում է ունեցել նաև Ադրբեջանի նախագահ Իլհամ Ալիևի հետ։
Թարգմանությունը՝ Էմմա Չոբանյանի
