25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Էրդողանը դատի է տվել Թուրքիայի ընդդիմության առաջնորդին և 13 հազար դոլար պահանջել
Քաղաքականություն
08.04.2025 | 21:06
Թուրքիայի նախագահ Ռեջեփ Թայիփ Էրդողանը զրպարտության և բարոյական վնասի փոխհատուցման հայց է ներկայացրել երկրի գլխավոր ընդդիմադիր Ժողովրդահանապետական կուսակցության (CHP) ղեկավար Օզգյուր Օզելի դեմ։ Այս մասին հայտնում են թուրքական լրատվամիջոցները։
Բացի այդ, բողոք է ներկայացվել Անկարայի Գլխավոր դատախազություն՝ նախագահին վիրավորելու համար Օզելի դեմ քրեական գործ հարուցելու պահանջով։
Էրդողանի փաստաբան Հուսեյն Այդընը X-ի իր միկրոբլոգում հաստատել է հայցի ներկայացման տեղեկությունը։ Թուրքիայի նախագահն իր քաղաքական հակառակորդից պահանջում է 500 հազար թուրքական լիրա (ավելի քան 13 հազար դոլար)՝ «խունտայի» մասին Օզելի հայտարարությունների համար։
«500 հազար լարի բարոյական վնասի փոխհատուցման հայց է ներկայացվել Անկարայի առաջին ատյանի քաղաքացիական դատարան՝ արտահերթ համագումարի ժամանակ CHP-ի նախագահ Օզգուր Օզելի կողմից մեր հարգարժան նախագահին ուղղված անհիմն մեղադրանքների և վիրավորական արտահայտությունների պատճառով, ինչպիսիք են «խունտայի անդամը»»,- ասել է փաստաբանը։
Հիշեցնենք, որ Օզելն Էրդողանին անվանել էր «խունտայի առաջնորդ» և հայտարարել, որ Ստամբուլի ընդդիմադիր քաղաքապետ Էքրեմ Իմամօղլուն ձերբակալվել է ԱՄՆ-ի թույլտվությամբ։
Թարգմանությունը՝ Էմմա Չոբանյանի
